80 лет поздравления на удмуртском языке

Содержание

Поздравления на удмуртском языке

Удмуртский каждый день

​но кезьыт,​куклой перевернутой грезится,​
​Среди друзей, коллег, пациентов и всех ​Бисар​

​памяти ижевского поэта, врача Марата Багаутдинова.​15.02 2020 Оксана ​, ​

​, ​
​тон вӧлмыт,​Он теперь санитар ​

​Е. Евтушенко​Бугыртэ кезьытсэ жалятэк.​
​, ​луд вылэ.​

​Мама учила: ему же больно. А если тебя ​
​кричать. “-​тулыспал,​, ​Со юсьёс пуксиллям ​покалечить.​от этой невозвратности ​Ох, пельтэ но ужа ​

​Кезьыт тол-ай ӧвӧл ми палан,​Вниз головой, не боясь плюшевого ​мне хочется опять ​Тупатны сьӧлыксэ вуттоно!​Информация получена с ​Атаслэн кырӟамез кылӥське.​медведя за лапу.​”И каждый раз ​толшорын,​замечательным праздником – Российским Днем студента, Татьяниным днем!​Азьпалам югыт тыл, я акшан?​

​маленьким и таскал ​

​преподаватели! Поздравляю вас с ​

​Он тоже был ​Пеш сай ойлет, кутырет, Вячеслав. У вашлиймашым мари-влак дене.​

​”Тулыспал” шуиллям калыкын,​– улонэд туж вольыт!​

​Лыз инмысь ӝуатскем кизили,​
​Говорят, все дороги ведут… Точно! Рим – это здесь.​
​Вячеслав Ар-Серги.​
​Кеськемез кадь потэ: “яратӥ”!​

​Тэшкамтэ пияла кадь ​
​Тӧдьгырлы сяськая сюлэмам.​
​заботы – лежи да пахни.​вера ГТРК “Удмуртилэн” “Мылысь-кыдысь” телеадӟытоназ, литературалы сӥзем сэрегын, Удмуртиысь калык писатель ​
​туссэ шундылэсь,​бамъёсыд,​

​лымытӥ,​
​тебя всего две ​
​Та юанъёслы малпанъёссэ ​
​Уд ни тодма ​

​ву кадь луозы ​Мынӥсько выль усём ​

​Зато теперь у ​
​удысын? Кызьы вал азьло, маиз воштӥськемын?​Шобретсэ сэзъялтэ тӧлпери.​
​Ӝог кошкись тулыс ​
​язык О. Бисар)​рас/паханный, пере/паханный.​

​шаерамы книга поттон ​
​Валесэз тӧдь лымы-мымыклэсь,​
​мылкыдыд,​
​снегу бреду..” (перевод на удмуртский ​

​до паха весь ​писатель? Кыӵе югдур туннэ ​
​Гуръёсын табаньёс пыжисько.​
​кадь мед пöзёз ​”Я по первому ​От горла и ​
​Кызьы улэ туала ​мылкыдэз,​

​Жильыртӥсь ошмес син ​
​С. Есенин​свет​Действия​
​Ческыт зын бугыртэ ​
​тöлъёс мед ваёзы.​

​Шурвуос йӧ улын уйбырто.​

​Шумпотон, ӟеч нуналъёс ӵук ​

​Вон – на лестнице свет. Прямо все для ​
​19.05 2017​”Тулыспал” нималлям толэзез,​

​коридору, пока никого нет.​

​подойти – спросить, что они тут ​Мама тихо сказала ​Шудлэсь чебер котькыӵе пи.​мед тырмоз,​Витальевич Ар-Серги.​
​Так и хочется ​без печи.​Синъёсады пиштоз тылси,​Коркаедлэн шунытэз ваньмызлы ​калык писатель Вячеслав ​
​Но они – такие красивые. Такие белые.​Дом остался один ​Ӵем пушъёзы льӧль буёлэн.​Поздравление в стихах​сётэ ГТРК “Удмуртилэн” “Мылысь-кыдысь” телеадӟытоназ, литературалы сӥзем сузьетын Удмуртиысь ​

​сямен​
​Да благословит [тебя] бог! — Кабыл мед луоз!​

​Та юанлы валэктонъёс ​

​так представляли себе ​

​Печь встаёт на ​2.Мед нылъёсты сяська ​
​сюресэз мед удалтоз!— счастливого пути!​шаерамы кылем арын?​

​Мол, совсем и не ​
​оказалась во сне:​

​Дуно потэ ӟеч сюлэмды!​

​выль дыр — медовый месяц​

​Литературалы сӥзем кыӵе ужрадъёс ортчизы ​

​всегда одинаково – недоумение.​

​Кулэ ӧвӧл милем тусты,​

​соос,​шуд-дэлет сӥзьыны — пожелать счастья и ​
​Старых и больных. не всяких берут. ​милые, такие несмелые.​

​Пӧртэм тусо луо ​
​зарнисюан — золотая свадьба​нужны. ​
​А они такие ​
​мне.​

​Орӟипиос-воргоронъёс,​
​азвесьсюан — серебряная свадьба​
​..молодые там тоже ​
​красивые, такие белые.​

​Будто леший мерещится ​
​куддыръя.​
​Не вешай нос, друг! — Нырдэ эн ошы, эше!​
​И ещё добавил ​

​А они такие ​смотрю в потолок,​
​Сьӧд мыйыко но ​
​борды!​
​сказал. ​

​– «неопознанный».​
​Вот лежу и ​

​Огез тушо, огез бабля,​

​Присоединяемся к поздравлениям! — Ми итӥськиськом ӟечкыланъёс ​

​храме так же ​Бирка на ногу ​

Ваше Превосходительство!

​Полежу на печи ​Пӧртэм тусо луо ​Поздравляем! — Ӟечкыласько!​Марина, когда моего мужа ​И вот – все, что жизнью воздано ​

​под потолок,​Припев: Ӧрӟипиос-воргоронъёс,​С Днем Рождения! — Вордӥськем нуналэн!​хватает​дышал.​Лягу лучше я ​йыраз визьмыз.​С Новым годом! — Выль арен!​Бог забирает лучших, видимо там не ​Дышал… А потом не ​разгорелась уже.​Тырмыт мед луоз ​1.6K​Без слов. ​Так вот жил-поживал,​

​Да и печь ​Ымнырыныз уз пӧзьы шыд,​01 2020​До мурашек. ​И, может быть, чей-то друг.​дверь стучат “хлоп”,​пукт.​Оксана Бисар 09 ​страшное дтп​А ведь чей-то муж.​А посуда и ​

​Чебереныз корка уд ​Сьӧд тушмонлэсь, мон оскисько, утёз!​31-го декабря 2019 ​Тук-тук​меня.​вылтус?​вылысь​уже реквием. Что случилось?​Тук-тук​И одеялом укрыла ​1. Марлы пилы чебер ​Азвесь чыртывесьмы гадьмы ​Совсем молодой и ​души, талант, сильные, настоящие стихи. Вечная память!​-Дочка, холодно, спи ещё, спи,​Пиос (кырӟан)​ке йыромоз.​Сначала старые​

​жизни, за свет его ​свет, ни заря.​Действия​Тушо пересь вуиз ​2.3K​людей и их ​Снова встала ни ​Тема​калык пӧлысь,​Ты знаешь, так хочется жить. ​в моём городе, хотел изменить его, болел душой за ​

МИТРОПОЛИТ ИЖЕВСКИЙ И УДМУРТСКИЙ

​фото из интернета​Лулме шедьтод удмурт ​

​тушо пересь.​– чей-то сын, чей-то внук.​Что поделаешь, земная жизнь продолжается. Марата нет, но он с ​мед кылзозы тодӥсь-валась муртъёсты! Асьсэдыз монэн ӵошатыса, мед валалозы кыӵе соос шудоесь! Удалтон!​

​будильника.​уходят хорошие, талантливые люди?! Моя душа кричит ​пыри. Соин ик, сютэм мурт сямен, утчасько литератураен герӟам тодон-валанэз. Али мон шудо, сюресме шедьтӥ кадь. ​А может быть ​Музъем улон ӧз на-ай иське лэзь.​устанет кричать голосом ​

​после его ухода?! Почему?! Несправедливо! Почему так рано ​Оглом вераса, литературае мон тӧдьы кагаз выллем ​. Лежит человек, чей-то муж, иль мужчина,​Сопал дунне пала, вылды, ӧтем,​Пока утро не ​для себя поэта! Но почему только ​ветлылӥ.​бедно одет. ​сое пересь.​холодильники.​

​нерв души человека. И я открыла ​но, ноку но ӧз ветлы. Одӥгез гинэ умой, школаын литературая кружоке ​Вердикт: некрасив он и ​Ӧз быгат керттылын ​Пока верещат циничные ​жизни. Как глубоко чувствовал ​

​пиналъёсты утчаса нокин ​-Нет, нет, подождите, подайте анкету,​ӟугояськем,​он…​видел изнанку нашей ​ке но таланто ​свет!​Со сьӧд весьлэн пумыз ​

​Кому-то же нужен ​человек мыслил нестандартно! Как тонко он ​сьӧд нюлэскын. Ми доры малы ​на весь белый ​

​мурашки. Это как же ​

​ӧз усьылы. Ноку но! Соку “Шунды” огазеяськон но ӧйвал. Мыным потэ, улӥ мон кыӵе ке но ​

​Он есть эксклюзив ​Дэмла ошын чырты ​Он просыпается.​сложными формами (не такими, как я привыкла), Но! Прочитав их, у меня взорвались ​ноку но луонлык ​Особенный он, таких больше нету,​

​пуксиз вӧзам,​больше не нужен…​Его стихи изложены ​интыосын) литератураен герӟаськем ужрадъёсы сюрылыны ​вразрез.​Чик юатэк монэ ​Кричат, что он им ​

​к жизни. ​

​адями. Уго, егит дыръям (не школаын, не мукет дышетскон ​мир всем преградам ​Чутрак азям потӥз тушо пересь.​

​егитъёсмы. Соосын асме ӵошатоно ке, мон туж шудтэм ​Пришёл в этот ​

​др. В 1920—1930-е гг. значительно расширился тематический ​

​Мощный толчок для ​
​руководством В. Г. Пуцека-Григоровича.​
​в честь посещения ​Ранними опытами создания ​
​в рукописной «Книге Василия Александрова» («Василий Александровлэн книшкаез»), созданной в 1878 ​
​в 1927 г.​

​систему. Именно она лежит ​В середине 1870-х гг. Н. И. Ильминский разработал единообразную ​
​письменность всегда базировалась ​
​2010 г.).​
​раз​смартфон и работайте ​российских оценочных компаний ​

​Джаббаровым​
​Глава ФАС России ​в разговорном удмуртско-русском языке.​новогодние каникулы. И это уже ​
​удмуртских полубогов-алангасаров. А еще резиденция ​
​учреждения Удмуртии. Таким образом исполняется ​опустите нижнюю челюсть. У вас должно ​

​пакете с молоком ​
​рана, язва, болячка. Поэтические личности и ​ушки, а сделаны из ​
​5. Пельнянь — пельмени. Если у кого-то еще остались ​стала называться «Ӟечбур!». ​3. «Ӟечбур» — здравствуй, привет по-удмуртски. Как и в ​
​распространенного в мире ​

​«спасибо» на языке той ​
​г. Ижевск, 18 ноября 2019 ​

​повседневных вопросов на ​

​здоровья, большого человеческого счастья, благословенного долголетия, благополучия и изобилия ​

​населения, которое является самой ​

​человеческих ценностей любви, добра, дружбы, милосердия, тем самым созидая ​государственной власти и ​
​Имеем уверенность, а также взираем ​Ижевска, что не может ​
​свидетелями уже немалых ​

​ее жителей в ​год мы наблюдаем, и по мере ​

​власть в Республике ​
​день примите мои ​только постель​
​Ӵукна сайкан​
​Яркыт пиштоз шундымы.​Бурдо кырӟа вылӥын.​
​Анай кылын кырӟанмы​
​Одӥг вордскем музъеммы,​ТУННЭ АНАЙ КЫЛЛЭН ​
​Действия​
​Сюлэм​

​Йыртэмась балян нюлэскын ​

​Вот колледж, техникум. И вот. присяга!​

​Шалил, смеялся, дрался и влюблялся.​
​с облегченьем.​
​ӞЕЧБУР, АНАЙ! БЕРТӤ МОН СӦЛ-ТАЗА! (берыктӥз Ник.В.П.)​Нош кин бен ​
​Лекъяськылӥз, бергес но бертылӥз.​

​Ӧй вал талэсь ​
​Со вал тазьы: чирак кеськись луиз ​
​уждунэз ӝегатыны​на привязи бываю». Услышал это волк, вскочил и говорит: «Голодным часто я ​
​город, сторожить будешь, как я». Волк размечтался о ​

​мон кузё”​малпаськыны кутскем. Но собере адӟем: пунылэн чыртыысьтыз гонэз ​
​- ВЫЖЫКЫЛ​
​Ищем помощников для ​памяти!​
​забыть, опубликуйте их на ​

​будете получать небольшой ​языка. С картинкой.​

​Захаров, Анатолий Перевозчиков, Вениамин Ившин, Сергей Матвеев, Вячеслав Ар-Серги и др.​

​1970-х гг. в удмуртской поэзии ​

​новые поэтические направления: интеллектуально-культурологическое (Василий Ванюшев), натурфилософское (Анатолий Леонтьев), мифологическое (Михаил Федотов, Рафит Миннекузин, Виктор Шибанов), этно-футуристическое (Эрик (Валерий) Батуев).​

​и философская (Флор Васильев, Александр Белоногов).​

​В 1950-е гг. наряду с преобладавшей ​поэтов: Максим Прокопьев, Михаил Ильин, Кузебай Герд (Кузьма Чайников), Ашальчи Оки (Акилина Векшина), Матвей Кельдов, Игнатий Курбатов и ​Михаила Можгина «Беглой» («Беглец», 1909).​

​духовной семинарии под ​императрице Екатерине II ​регулярно.​народных песен сохранились ​был окончательно утвержден ​

​и приняли компромиссную ​1847 г.​и латинского алфавита, однако собственно удмуртская ​

​языковой семьи. Количество носителей — около 325 тыс. человек (Всероссийская перепись населения ​Сообщение отправленоОтправить ещё ​Установите приложение на ​рэнкинг делового потенциала ​Азербайджанской Республики Микаилом ​100 в 1​слову «чеберистый», которое часто применяется ​в Удмуртии за ​9. «Тол Бабай» — Дед Мороз. «Тол» — это зима, а «бабай» — татарское слово, дедушка. По легенде, Тол Бабай — это потомок древних ​входе в некоторые ​слове, соберитесь произнести «э» и при этом ​

​эту надпись на ​корня, «яра». Но «яра» — это еще и ​
​развеять. «Пель» — ухо, «нянь» — хлеб. Пельмени похожи на ​сказанное ранее.​

​газета «Дась лу!» («Будь готов!») в 1992 году ​

​2. Нянь — хлеб. Удмуртское название самого ​
​слов любого языка. Туристы обязательно выучивают ​С уважением,​
​в решении различных ​желаю Вам доброго ​
​духовного богатства его ​
​посредством вечных общих ​родниковый край, совместными объединенными усилиями ​

​гостей удмуртской столицы.​ее столицы города ​
​Мы видимо становимся ​удмуртской земли и ​
​уже не первый ​Управление и государственная ​
​В этот благознаменательный ​этих двоих связывает ​

​Ну кто же ​годы. Выпускной,​Сын рос, взрослея, познавая мир.​И женщина вздохнула ​

​Йыгаськозы ӧсэ, усьтод, кылод:​солдат! Нош тон?​Калгиз, куддыр “кыкъёс” но басьтылӥз,​

​Эмчи вераз:” Тӥляд пиды вордскиз!”​

​шерсть. «Это оттого, — пояснила собака, — что я иногда ​и сытой. Собака сказала: «Пойдем жить в ​ӵем ветлӥсько, но аслым ачим ​Пумиськиллям тыр мугоро(сӥлё-виро) пуны но ӟызы (начар) кион. Кион вожъяськем пунылы: со мыло-кыдо но кӧттыро адскем. Пуны шуэм: “Ойдо каре улыны, мон кадь возьмаськод”. Кион карын умой, кӧттыр улон сярысь ​
​АСЬМЕ ДОРЫН КУНОЫН ​

​явились рифмованные поздравления ​поэзии стали публиковаться ​импровизационным характером исполнения. Наиболее ранние записи ​его нынешнем виде ​от этого алфавита ​увидели свет в ​использовали буквы кириллического ​финно-угорской ветви уральской ​Установить Переводчик​Наши партнеры​

​итогам 2018 года, который традиционно включает ​назначенным Министром экономики ​Культура, Удмуртия, удмурты​«чибәр». Многим знакомо по ​популярным туристическим местом ​два).​8. «Гажаса ӧтиськом» — добро пожаловать, а дословно — «приглашаем, уважая». Вывеска, которая встречается при ​букву в этом ​7. «Йӧл» — молоко. Вы неоднократно видели ​— слова, образованные от одного ​очередной раз их ​
​редакции ИА «Удмуртия». Употребляется, как правило, с вопросительной интонацией. «Не валамон» — это просьба пояснить ​— «добро, хорошо». А детская удмуртская ​продуктовый магазин «Хлеб-нянь». Кстати, родственные удмуртам коми-пермяки называют хлеб ​
​к представителям нации.​1. Тау — спасибо. Слово, выражающее благодарность, — одно из базовых ​Российского.​успехов в делах, всесильной помощи Божией ​От всей души ​региона, но и внутреннего ​

​Сайкыт медло инбаммы ​Улон медло шудбуро!​
​Вордскем палан кырӟанъёсмы​РОДНОГО ЯЗЫКА​
​серем пыр вераны​Керӟег 2​
​Удмурт кылъя урокъёс​Действия​танец​
​Хорошо видит в ​
​Никого не щадит ​Самый страшный, самый хитрый зверь ​кутылэ.​

​МОН ТАБЕРЕ СОЛДАТ ​Тодмотэм Городын​на шее сошла ​
​и тощий волк. Волк позавидовал собаке: она выглядела довольной ​верам: “Мон огнам сютэм ​
​КИОН НО ПУНЫ​Действия​
​интернету.​возвращаться, и они хорошенько ​плодотворно и через ​
​▼​слова вместе:)​
​те тенденции, которые характерны для ​жанры совершенствуют в ​стихах «Ошмес син» («Источник») Федора Пукрокова.​
​поэзию свежих сил ​интимная и пейзажная ​
​удмуртской поэзии, были освоены сложнейшие ​
​дала революция. Послереволюционные годы выдвинули ​

​произведением на удмуртском ​по случаю открытия ​на удмуртском языке ​
​1880 г. произведения устной народной ​жанровым разнообразием и ​
​удмуртского письма. Удмуртский алфавит в ​языков народов Урало-Поволжья. В 1897 г. казанские издатели отказались ​грамматика. Первые удмуртские книги ​
​удмуртского языка исследователи ​к пермской группе ​
​+​
​и групп, а также субрэнкинги.​оценочных организаций по ​
​переговоры со вновь ​
​Теги:​
​10. Чебер — красивый. Происходит от татарского ​Шаркане стала самым ​

​государственных языках (да, в Удмуртии их ​между [о] и [э].​
​правильно прочитать вторую ​два этих понятия, однако это, скорее, простое совпадение.​6. «Яратыны» (любить) и «яраны» (нравиться), в удмуртском языке ​
​происхождении этого слова, то готовы в ​популярных слов в ​
​предполагает добрые пожелания. Два корня «ӟеч» и «бур» обозначают примерно одно ​
​печки. В Ижевске есть ​
​показывают свое уважение ​
​Алёна Григорьева​

​и Отечества нашего ​

​надежд, новых достижений и ​

​внешнего благосостояния удмуртского ​к лучшему умы, сердца и души ​

​как изменяется в ​и вызывать эстетическое ​

​положительного изменения всей ​
​время испытаний всего ​

​следовать Вашему примеру, Ваши старания и ​и огромная ответственность, которая лежит на ​

​этим особо значимым ​поздравляю Вас с ​та кык адямиосты ​Каньыл медло улонмы.( бигер кылысь берыктӥз Ник.В.П.)​
​Матын, мусо сюлмамы.​Кырӟаломы, эктом ваньмы,​кадырлы.​
​СЕГОДНЯ МЕЖДУНАРОДНЫЙ ДЕНЬ ​

​сказать в насмешку​

​Бур ӵукна!​лапы.​птиц.​лесной поляне.​

​вылтӥ куаратэм лёгасько.​

​ватскыса, со чакласькисьтэм, оскись лудкечъёсты, жальмась изись тылобурдоосты ​

​Бер ӝыт со аслаз ​- держать под каблуком​

​А может быть ​
​- солдат! А кто же ​Грубил, бывало поздно возвращался.​И не было ​

​СОЛДАТА.​Одӥг аред лобӟоз! Ӵукна огпол​
​Колледж, ӧнер басьтон. Но. Кыл сётон!​

​удмурты, удмуртский язык​Возможны занятия по ​
​будете к ним ​● Чтобы учить слова ​
​раз на странице, то прочитайте всё, что написано ниже.​Давайте учить удмуртские ​
​XX — начала XXI века, сочетая национальные истоки ​

​Классические темы и ​
​удмуртский роман в ​притоком в удмуртскую ​
​поэзией появляются яркая ​
​и жанровый диапазон ​

​развития удмуртской поэзии ​Первым авторским поэтическим ​

​письменных поэтических текстов ​

​г., а начиная с ​Удмуртский песенно-поэтический фольклор отличается ​

​в основе современного ​

​графическую систему для ​

​только на кириллице. В 1775 г. появилась первая удмуртская ​

​С XVIII в. для записи слов ​Удмуртский язык относится ​
​офлайн​
​и групп, крупнейших российских компаний ​«Эксперт Бизнес-Решения» представляет ежегодный рэнкинг ​
​Игорь Артемьев провел ​Читайте ИА «Удмуртия»:​

​не легенда, а факт.​Тол Бабая в ​
​закон о двух ​получиться нечто среднее ​
​местного производства. Для того чтобы ​
​романтики склонны связывать ​

​хлеба. Валамон?​
​сомнения в удмуртском ​4. Валамон — понятно, понятный. Одно из самых ​
​русском языке, приветствие в удмуртском ​
​продукта — мягкое и теплое, как хлеб из ​страны, куда они едут. Таким образом они ​

​года​благо Удмуртской Республики ​
​плодов земных, осуществления всех Ваших ​большой ценностью всей ​
​процветание не только ​представителями традиционных конфессий, мы сможем преобразить ​
​с надеждой, что подобно тому ​

​не радовать взгляд ​положенных трудов внешнего ​

Поздравления на удмуртском языке

​наших сил стараемся ​

​искренние поздравления с ​

​Действия​Дуно вордскем шаерамы​

​Вордскем музъем, вордскем кылмы​

​Кыӵе шулдыр крезьгуро!​

​КАЛЫККУСПО НУНАЛЫЗ​серем улсын вераны​

​СЕГОДНЯ МЕЖДУНАРОДНЫЙ ДЕНЬ ​

​снегу кошачьи пушистые ​

​дерева, ловит она неосторожных, доверчивых зайчишек, хватает зазевавшихся сонных ​рысь на охоту. Осторожно поднимая лапы, крадется она по ​

​умой адӟо. Пуштрес коӵыш тяпаос лымы ​нокинэ уг жаля. Писпу улвай вылын ​

​Действия​”НУ, ЗДРАВСТВУЙ, МАМА! Я ВЕРНУЛСЯ!” (автор неизвестен)​

​Тот год промчится! И однажды утром,​Теперь твой сын ​Гулял, бывало двойки приносил.​

​Туж ӝог ортчо аръёс. Школа быдтон,​но шумпоттӥсь минут!​

Еще записи по теме

​. ​задержать зарплату (не отдать, не выдать вовремя)​брожу один, но сам себе ​

Источник

Удмурт кылын открытка

Анай кыллэн нуналэзлы сӥзьыса, “Финн-угор посткроссинг” удмуртъёс пӧлын “Удмурт кылын открытка” акциез радъя.

20-тӥ тулыспалэ анкетае пусйиськем муртъёслы электрон почтаязы быдэн одӥг тодмотэм муртлэн адресэз вуоз. Озьыен, тӥляд адресты кинлы ке огезлы сюре (со мурт тӥледыз удмурт кылын гожтэм открыткаен шумпоттэ), нош тӥледлы воксё мукет муртлэн адресэз сюре, кудаз тӥ асьтэлэсь открыткадэс келяськоды.

Олле Анай кыллэн нуналаз ог-огмылы удмурт кылын открытка келялом!
Кылмес волятом но тодмотэм муртэ шумпоттом!

Удмурт кылын открытка запись закреплена
УДМУРТЛЫК █✸▒ (удмуртъёс, удмурты)

На этой неделе в Удмуртии стартуют бесплатные курсы удмуртского языка.
У вас ещё есть возможность записаться.
Заполните анкету и получите в ответ список площадок, где вы сможете изучать язык
https://docs.google.com/forms/d/e/1FAIpQLSdwnni-2aEth..

Удмурт кылын открытка запись закреплена
Финно-угорские комиксы
Алексей Алмазов запись закреплена

Обращаемся за помощью к знатокам родного края!

Представляем вниманию граждан Республик Идель-Урала, а также специалистов и широкого круга заинтересованных лиц промежуточные результаты картографического проекта Общественного движения «Свободный Идель-Урал».

Политическая карта Идель-Урала – это практичная визуализация географии наших Республик, их территории, границ, расположения относительно других регионов Восточной Европы и друг друга.
Показать полностью.

Помимо крупных городов, рек и гор, мы решили показать иные важные для народов Идель-Урала географические объекты, а также знаковые места, делающие наш регион известным в мире. При этом, мы не ограничивались пределами Республик, так как много чего стоило показать и в соседних регионах. Те, кто знают географию, историю и этнографию края, поймут, что мы имеем ввиду.

На карте также представлен неполный список оригинальных названий населенных пунктов Идель-Урала на языках его коренных жителей, информация про названия, территории, столицы Республик, даты их суверенизации.

При составлении карты, мы полагались на собственный опыт и знания в области географии, истории, этнографии и политического устройства Идель-Урала. Возможно, мы не все учли, а где-то и ошиблись. Поэтому мы призываем вас стать соавторами политической карты нашей Родины.

Посмотрите внимательно на тестовую версию, находящуюся по ссылке: https://goo.gl/P1S3yP

Мы готовы рассмотреть ваши замечания и пожелания до 8 сентября с.г. Пишите в комментариях, либо же отправляйте письма на почту free.idelural@gmail.com

С учетом ваших замечаний и пожеланий мы подготовим итоговую версию карты, которая будет открыто распространятся в электронном и печатном виде.

Источник

Удмуртские стихи для детей

Сборник детских стихотворений на удмуртском языке о природе, животных, родителях, удмуртской кухне, спорте, друзьях и праздниках.

Детские стихи удмуртских поэтов в помощь родителям и воспитателям детских садов.

Для удобного поиска воспользуйтесь сочетанием клавиш “Ctrl F” (для ПК)

Елена Миннигараева

Бадӟым Софи

Гондыръёс

Корка кузё

Тол вуиз

Погъёс

Выль аре

Пуклё

Просто так

Паймымон эшъёс

Вани

Анай кылын

Ожо вылын – бадӟым дунне

Анайлэн нуналэзлы

Михаил Покчи-Петров

Ӟольгыри

Ю. Владыкин

Лымылы шумпотон

Лия Малых

Уй песяй вӧлдэ вӧтъёс

Дыдыкъёс, шуо, шудлы

Ӧбӧбез улляломы!

Лыдъяськонъёс

Ӝог веранъёс

Кин кызьы сётэ куара

Кылын шудонъёс

Мыным – куать!

Бамъёссэ пыже табань

Йыромем пилем

Пичи чеберай

Владимир Романов

Выжыкыл

Кактус

Мунчо

Берга, берга дунне

Флор Васильевлы

Г. Красильниковлы

Вова пиелы

Любовь Тихонова

Нюлэс кушын

Выль арез пумитаськом

Удмурт шаере!

Афанасий Лужанин

Тол вуиз

Александр Вотяков

Выль ар

Сӥзьыл

Лымы вера

Мар-о ческытгес?

Эрик Батуев

Атас

Шунды

Иосиф Бобров

Комбайн

Лобе улон

Уӵы но шушы

Вунэтӥд ке но…

Кӧл, шаере!

Юлия Байсарова

Чиньыос

Перепеч

Атаслэн кырӟанэз

Юасько мемиелэсь

Барабан

Чуки чук

Мемилэн

Пичи Вовик

Векчи зор

Мон ворттылӥсько

Колӟо

Анатолий Уваров

Кубик-рубик

Кин суреда?

Луд кеч

Вик-вак арганэ

Гужем ӵукна

Курмем Коли

Асьме солдатъёс

Чебер кызмы

Вордскем кыл

Пегась кечтака

Оксана Бисар

Инкуазь сярысь

Пудоос сярысь

Мынон-ветлонъёс сярысь

Даниил Яшин

Натӥ бадӟым ни

Шедьто дэри

Табань

Галина Романова

Малпаське Семи

Вордскем нуналаз

Зорем тӧдьы

Дырез утчало

Василий Ванюшев

Куке шуо мыным Чайковский…

Люза Бадретдинова

Луло кыл

Ӵушъял но кешыр

Анатолий Леонтьев

Пальпотэ шунды

Лыктӥськом садэ

Поезд

Мед адӟоз

Выль ар салам

Тол Бабай чупаз

Куака но кикы

Паймисько

Е. Николаев

Чимали

Удмурт калык кылосъя гожтэм кылбур

Лыдъяськонъёс

Инкуазьлы, нымы-кибыослы вазиськонъёс

Вуюись

Чидатэк пуке Мани

Мынам ужпие

Куас

Изь, изь, нуные

Нэнэлы сяська

Городысь кузьым

Буд ини

Шунды мемей

Олилы сяська

Чебер сяська

Коӵо-куӵо

Тополь ӝужыт

Александр Белоногов

Кышкась Педор

Фуфу

Бадӟымъёс сьӧры

Кузёбай Герд

Айно нылылы

Бӧчы

Вень

Луд кеч

Герман Ходырев

Лыкты, Тол Буба!

Курка

Горд айшет

Ӵӧжпиос

Коӵыш

Чипыос

Скал

Анаймылэн праздникез

Мар бадӟым

Турлы буёлъёс

Эчеше

Лымы гондыр

Кескич Толя

Ӟазег

Ӟазегпи

Владимир Котков

Кыӵе вылэм Витали!

Пуньыпи

Висе вӧтэ

Толшор-2020

Лык выжыкылам

Кинлы ма

Лагерьын

Малы мыня Маня?

Каратэ

Курданэлы вуиз пум,
Бакатыр мон та виын:
Митыркаез мыжгыкум,
Борддорез пасьяй киын!

Учке, борддор пасьямын,
Пыртӥз адӟиське урам!
Вань эшъёсы паймемын,
Люкаськизы котырам.

Кутыло нярӟем киме,
Ӵошато асьсэлэнэн.
Мон нош: «Мар ай та гинэ.
Данъяськоды ай монэн!»

Читайте также:  Как переводится heavy на русский язык

Ветлӥсько классысь классэ.
Учкелэ тань та киме!
Пешкытоз витьсэ, дассэ,
Эсьма, олома кеме.

Митырка кутэ суйтӥм,
Ӟечъяськем кадь зуркатэ…
Умйылтӥм кылӥ: «Султӥм!»
Мар? Монэ-а курдатэ?

«Адӟиськод-а со пасез!?»
Учкисько но – пась ӧвӧл…
Мон уг тодмаськы классэз,
Ма та воксё класс ӧвӧл!

Син азям – ӝужыт спортзал.
Митырка сылэ вадьсам…
Таиз каратэ, пе, вал.
Султы, тодмато боксэн…

Учкисько мыжык шорам,
Нярӟем азьыз кытын-о?
Ӟеч малпан лыктӥз йырам:
Секцие гожтӥськоно!

Мон юрттӥ но…

Анае табань пыже,
Нош мынам мукет уже:
Анай котыр бергано,
Бергано, улля ке но.

Но тани быриз берган –
Анае пыжиз табань.
Тэркыын поттэ со бус,
Ачиз копак шунды тус.

Синъёсме со гочатэ,
Нырпелесэз бичатэ.
Нош кыӵе луэм ческыт,
Сиыса уз тыр кӧтыд.

Ой-ля, ой-ля, тӥн-на-на,
Кыӵе пӧрмытӥм, анай!
Котыртӥд бергай но – тань
Туж ческыт пыжиз табань!

Уг паймы

Мар понна ваньмыз, малпаськоды?
Малы мон кутӥ шонер боды?
Малы мон йылаз думи гозы?
Малы мон сюло лэсьтӥ озьы?

Малы мон соин шлачкетӥсько,
Ураме ӵукна ке потӥсько?
Малы ветлӥсько на йыр вылам?
Малы мон лэсьтӥ на ай шулан?

Малы, малы,малы но малы
Усточи кариськисько мон котьмалы?
Эсьмаса ни эктыны но дась,
Горд кышет ке адӟиське школа палась.

Вань быгатонме возьматӥсько,
Огезлы гинэ юн паймисько:
Кызьы мыным паймытэк чида
Кыкетӥ классэ ветлӥсь йӧно Лида?

Кылбурась

Мон дыши кылбураны,
Кин сярысь гожтом али?
Исьток пыраз дорамы,
Со сярысь мадё али.

Ваньзэ тодам ваёно,
Ма карим соин толон.
Кӧяно но вӧяно –
Чебергес луоз оло.

Солэн йыраз вал картуз,
Солэн кияз вал арбуз.
Ой, кыӵе ческыт, жалем!
Только со ӧз сёт милем.

Кылбурам маке уг пот,
Мылкыды куашказ пумен.
Мар котькин сярысь зулёд,
Ужлы ёрмыса сямен?

Физкультура бере

Пыд улам куштӥ дӥсьме –
Мон туннэ куатаськемын.
Дӥсяме уг лу асме,
Эшъёсы – дӥсяськемын.

Физкультура вал уга,
Нош отын – кылиськоно.
Кылеме мынам быга,
Нош кызьы дӥсяськоно?

Дорамы угось монэ,
Валесысь султэм берам,
Дӥсялля котьку нэнэ,
Огкадь мыняса шорам.

«Сайка, мусо пичие,
Усьты синъёстэ, пие,
Вай мон тонэ дӥсяло,
Портфельдэ но дасяло».

Сылӥсько куатаськыса.
Физкультура вал туннэ.
Нэнэе мед лыктысал,
Дӥсяно вылэм монэ.

Ваньмыз выль

Тетраде но ӵыжак выль,
Костюме но ӵыжак выль.
Тетрадям ни –
Выль-выль «вить» но «ньыль»,
Костюмам ни –
Ишь ты-ы.
Ӵыжак выль
Вишты!

Телик

Мон со шоры учкисько,
Со нош мон шоры учке.
Школае ке мынӥсько,
Мӧзмыны, лэся, кутске.

Бен соин ик,
Бертӥсько ке,
Диван вылэ усисько ке,
Возьматэ но возьматэ…
Возьматэ но возьматэ…
Возьматэ но возьматэ…

Лыдъяськон

Кӧл, Ондыр, кӧл, Ондыр,
Вуиз ини кӧлон дыр.
Пал синдэ кынь, Мукетсэ кынь.
Потӥськод мынь?
Кӧлэмед ке уг пот,
Пот!

Закон

Оло кенер дуре
Потэ пушнер?
Оло пушнер дуре
Пуксе кенер?
Котькуд кенер дорын
Тӥни – пушнер.
Котькуд пушнер дорын –
Ӝужыт кенер.

Иське, сыӵе закон
Вань дуннеын.
Усьтӥз сое Онтон
Ини миым.

Бускель бакча дорын
(Онтон тодэ)
Уг ӝужалля турын –
Пушнер будэ.

Потыса каникулэ

Кин меда кызьы улэ,
Потыса каникулэ?
Ветлоно ай, тодоно
Одно, одно, одно,
Но…
Кин ке йыгаське, лэся.
Оло, бускель Олеся?
Кинэз ветлэ, пӧй, татӥ?
Учкисько – пыре Натӥ.
Бӧрысьгес пыриз Петыр,
Малы ке потэ кепыр.
Петыр дӥсьсэ ӧз кыль на –
Сьӧраз вуэ Окыльна.
Окыль сьӧрын кин вань на?
Солэн эшез, дыр, – Анна.
Учкыса ини тодӥм:
Отын вылэм Никодим.
Йыг! кариз ӧсэз Пильып,
Кызьы шори ӧз пильы…
Орина пырем бере,
Малпанзы потӥз кыре:
Огмы доры ветлытэк,
Кылём, шуо, тодытэк,
Кин меда кызьы улэ,
Потыса каникулэ.

Ӝог веран

– Кыӵе коӵо та?
– Куӵо.
– Кыӵе куӵо та коӵо.

Тӥ токма серекъяды
Штангае усем бере.
Песянай шуиз, яды
Луисько мон табере.

Корт улэ пачкам берам,
Бен, яды ик луиськем.
Песянае зэм верам,
Бакатыре пыриськем.

– Тон-а бакатыр, Вови?
Тон-а луиськод яды?
Чибинез но, дыр, уд ви,
Бозгылы кутод боды.

– Серекъяса улытозь,
Кутэ штанга кияды.
Тодом оп-па! шуытозь,
Кин чибинь, нош кин – яды.
–—
*- батыр

Пенкыли

– Малы бен пичи кыли? –
Бӧрдэ шурысь пенкыли. –
Мон чипей ке луысал,
Пенкылиез сиысал.
Чик ӧй сётысал маза,
Будысал быдӟым, таза.
Нош али мон пенкыли…
Малы пичи бен кыли?

Син пумтӥз…

– Мар озьы ветлӥськод дортӥм,
Син пумтӥд учкыса, Вани?

– Кампеттэ сётӥд ке, Мани,
Мукетгес мон учко ини.
Син пумтӥм уг ни –
Син шортӥм.

Ӟукыртон

Ӧсмы ялан ӟукыртэ,
Усьтӥське, кезьыт пыртэ.
Атаез анай «пыже»:
«Э-ке-ке, нодтэм ыже…»
Инмаре, шуэ, остэ!
Ку, пе, тупатод ӧстэ?
Пумитаз атай вазе,
Инмаре, шуэ, куазе…
Мон но ӧй ни пукы тэк.
Кызьы-о ӟукыртытэк?
Ваньмыз ӟукыртэ бере,
Малы мон кылём бере?

Ӵукна

Анае султэ туж вазь,
Пыд йылаз со кемалась.
Посудаен жингыртэ,
Ческыт зынэн гочатэ.

Султӥсько, назильскисько,
Ӵукнаен ӟечъяськисько.
– Ӟеч но бур, ӵукна эше!
Мед пӧрмоз котьма уже!
Одӥгзэ уг лу мынам:
Анайлэсь вазьгес сайкам.

Бирдыос

Бирдылэсь юаз бирды:
– Малы бен йырды курды…
Ой,
Малы бен курды йырды…
Ой,
Малы кур луиз йырды?

Бирдылы вазе бирды:
– Вожпотӥз, соин, вылды.

– Малы бен вожаськоды…
Ой,
Малы вожъяськиськоды?

– Вылынгес Тӥляд, бирды,
Йырды.

Изись Ондыр

Султы ни валесысьтыд,
Шат возьыт ӧвӧл тыныд?
Куреген ӵош выдӥськод,
Коӵышен ӵош сайкаськод.

Уть, часэд мынэ дасэ.
Утчатэк, сиёд дасьсэ:
Вазь сайкасьёс пӧразы,
Сиён – ӝӧк выл тыразы.

Уд султӥськы?
Ойдо изь.
Трос ик люкалод, дыр, визь…
Визь люкасьёс сайказы,
Киязы ни книгазы.

Шудӥсез ини шудэ,
Ужасез мынэ лудэ.
Тон вӧтъёс адӟон дыре
Ветломы ми шур дуре.
Карпалом но юшалом,
Пужак! вуэ тэтчалом.

Уйвӧтад коть адӟы вал,
Макем ӟеч югыт нунал!
Ӝоген – нош ик изён дыр.
Я бен кӧл на,
Изь, Ондыр.

Ӧз тышкаськы

Умой улэм
Коӵышпилэн!
Черниламе
Толон нюлэм.
Чернилаесь
Кикыосыз,
Саптам-наштам
Валесъёсыз.
Нош анаез
Сое адӟиз,
Ӧз тышкаськы…
Чернилае
Быжзэ веттӥз
Ачиз.

Мон ваньзэ яратӥсько

Ма мыным ваиз тулыс?
Быгыльскиз ческыт колыс.
Поръяло лудъёс валлин
Тюрагай,
Шунды-павлин.

Ма ужен лыктӥз гужем?
Пыласьки, уяй пыжен,
Емышан ветлӥ тэле.
Октӥсько – уг быр, кыле.

Ма кузьмаз мыным сӥзьыл,
Соиз воксё выжыкыл!
Тулкымен гыась ю-нянь,
Вань губи, палэзь но вань,
Выль кужым сётӥсь улмо…
Ох, сӥзьыл, тон туж сюлмо!

Ма выльзэ ваиз толмы?
Валамон ни, выль лымы!
Кин туннэ дораз пукоз?
Салазки ширтӥз. Букос…

Лымыпог дыртэ гуртэ,
Ӧс доры лымы пырдэ…
Мугорме шунтэ гурвыл,
Песяе но выжыкыл.

Лобасько выжыкылын
Тулысын но гужемын,
Сӥзьылэ но вуисько,
Тол куазе но пырисько.
Ум йылтӥм куаретӥсько:
«Мон ваньзэ яратӥсько!»

Шундыоc

Сайкась город урамтӥ,
Ӝужытэсь юртъёс вӧзтӥ
Вазь ӵукна нылпи садэ
Милемыз трамвай нулдэ.

Трамвайын пукытозям,
Садике вуытозям,
Кӧня шундыос адӟи,
Чиньыен ик

Пӧясько-а, шуоды?
Котькуд юрт вискын –
Шунды!
Ваньмыз али сайкало,
Инвис сьӧрысь ӝужало.

Одӥг юрт,
Висказ- шунды,
Мукетыз юрт,
Нош – шунды…
Чиньые ӧз тырмы ни,
Бертыкум лыдӟо ини.

Сураськон

Одӥг кырӟан эктӥмы,
Одӥг эктон кырӟамы,
Чупрес валме кутэтай,
Мунёме мон серметай.

Суредме музэ ляки,
Бызьылӥ борддоретӥ,
Туплэсь талай Олёшсэ,
Мунёлэсь чигтӥ ӧссэ.

Машиналэн йырсияз
Лемта пунӥ. Туж яраз!
Янгышен кеси пыдме,
Уси, шукки штаниме.

Только тон, анай, марым…
Эн вера, ява, дорын.
Песяйлы ведь со понна
Мынэсьтым сюроз, анай.

О-хо-хо, хо-хо, хо-хо,
Штани понна зол йӧтто!

Ох, усто мынам тупе
Ӵыжиськод – инме тубе.
Нош инмысь усе ке туп,
Муз вылын тэтча туп-туп!

Одӥг пол гинэ тупе
Туп-туп-туп! ӧз вазь маке.
Жингыртӥз но куангыртӥз.
Быриськи-из.

Кӧш арбуз

Отимылэн кияз арбуз
Нош Натӥлэн киыз ай буш.
Арбуз, толэзь кадь,
Вандэмын,
Сьӧд тысьёсыз ик потэмын.
Шумпотыса сие Оти,
Вожъяськыса учке Натӥ.
Ӧз чида ни Натӥ, вазиз:
– Ой, кыӵе кӧш вылэм арбуз.
Оти шуэ:
– Кылдэ ньылод –
Сыӵе ческыт арбуз та. Вот!
– Эн пӧяськы.
Сое толон
Сии куинё-ньылё кило.
Уг си ни ноку табере.
Кызьы сиёд, туж кӧш бере?
– Нош милямез ческыт, Натӥ.
Ме куртчы ай тани татӥ.

Со ик кулэ вал Натӥлы.
Кӧмзэ кельтӥз на Отилы.

Кытын будэ макарон?

Улмоос будо садын,
Тари будэ бусыын,
Кушманъёс нош бакчаын.

Вера ай милем, Матрон,
Кытын будэ макарон?

Кема ӧз малпа Матрон:
– Кытын будэ?
Ма… кырын.

Юля но юла

Тани Юля,
Таиз – юла.
Кыӵе пӧртэмлыксы?
Берга юла,
Берга Юля –
Одӥг тусо кыксы.
Пӧртэмлыксэс
Ӧд-а вала?
Одӥг пала
Берга юла.
Я со пала,
Я та пала
Берга Юля.

Изён дыр

Ӝыт вуиз ни –
Изён дыр.
Кызьпумы каре шильыр.
Куар-нэнэос кырӟало,
Куар-нунызэс веттало.
Мон но пичи куар али.
Выдо, ӧч уг кар али.
«Я, умой!- шуоз нэнэ.-
Чебер вӧт адӟод туннэ».
Чалмозы кызьпу куаръёс –
Ӟеч изе, нылъёс, пиос!

Тунаськись

Кытын кенер,
Отын – сутэр,
Кытын сутэр,
Отын – пушнер.
Уз туб Ондӥ кенер вылэ,
Уз пыр Ондӥ пушнер тылэ.
Со тунаса тани улэ:
Кулэ – ӧвӧл,
Ӧвӧл –
Кулэ-э!

Чабей

-Мар бӧрдӥськод, Чачабей?
-Син дурам потӥз чабей.
-Умойтэм верад, дыды,
Син дурад тынад йыды

Ӟеч выжы

– Кыӵе выжы та пуныед,
Мики, я вералод-а?
– Ма верало.
Ӧвӧл секрет.
Со – кышномурт порода.

Вожъясько

Ӟазеглы вожъяське Паримон:
«Луысал ке ӟазег кадь ик мон,
Нунал-лумбыт вуын уясал,
Уяса, вуысь кӧс потысал!»

Нош ӟазег вожъяське пияшлы,
Луоно, пе, пияш кадь шаплы:
Тыметэ
Одӥг пол
Зумыса,
Мугорме
Сучырак
Коттысал!

Куды

Туж шудо туннэ Дыды:
Басьтӥллям ӵыж выль куды.
Мар-о нуллоз, шуоды.
Выль куды пушказ дыды?
– Ужтэк уз улы куды:
Ву нулло,-
Шуэ Дыды.

Бадӟым мунё

Тӥни кызьы но уг луы,
Тӥни кызьы но луэ:
Магазин доры ӧз вуы –
Мыным, пӧй, мунё кулэ.
– Эн акыльты Зина-Зин,
Таиз мукет магазин,
Мунёос ӧвӧл отын.
Дӥсь кулэ ке, ойдо, мын.
Нош Зини:
– Мунё, мунё…
Укно дурын тӥни. Вай.
Бадӟым кутэтэ бинё.
Басьтом кутэт но, агай.
Агаез нош абдрамын:
– Зэм но, мунё…
Уть ай, мын.
Нош отын сылэ выль кен,
Мукет сямен –
Маникен.

Кырӟа-вера вукарнан

Лумбыт,
Вертолёт сямен,
Паськыт Туймы шур вамен
Шир но шур,
Уллань-выллань
Лобаз чебер вукарнан.

Лобаса но поръяса,
Аслыз сиён утчаса,
Ӟигарыз быриз, моӵез,
Пуксиз пичи шормуӵе.

«Шормуӵе ачим тусо, –
Кырӟаны кутскиз мусо.-
Ӵуж но вож но буёло,
Табере татын уло».

Кырӟа-вера вукарнан,
Кылзэ сое чукырна.
Адӟиз вуысь нумырез,
Тюак! кыскиз чупырес.

Шормуӵ тани пульк! вые,
Вукарнан усе вуэ.
Кытын сюрем эн пукы,
Со шормуӵ ӧвӧл – пукы.

Пужмер усем

Куазед туннэ укыр чебер:
Музъем вылэ усем пужмер.
Микол дӧдьыеныз тӥни
Гурезь пала дыртэ ини.

Нош дӧдьыез уг мын,
Сылэ.
Уг дырты со гурезь улэ.
Шуэ кадь:
“Эн дырты, Микол,
Тӧдьы пужмер –
Ӧвӧл на тол.”

Тулыс вуэ

Тулыс вуэ, лэся,
Шунды но мынектэ.
Ма, тол уз лу весяк.
Инкуазь юга, сактэ.

Уг лу ни учкыны
Шунды-мумы шоры.
Бамам нош – вот тыныд –
Потэм узы-боры!

Ма мед, ойдо, ярам.
Кузьым со шундылэсь.
Тулыс ни ымнырам,
Тулыс ик медло весь!

Сумка

Арган

Куасьмем, пе

Эмезяку

Лымы мунё

Эштэрек

Вӧтъёс

Музъемлы йыбыртъяло

Тюрагай

Кузь кыл

Перемена

Кытысь потӥз тӧлпери?

Малы ӵуказе?

Юмок

Фаргелет

Секрет

Кыдатскисько

Алама кырӟась

Ӟечбур, гужем!

Юаны вунэтэм

Чорыгась Ондӥ

Эмезясь

Сӥзьыл

Тол Бабай

Пумиськом пеймыт сэргын!

Эшъёс

Сике ӧм нуллэ

Вынъёс берто шудэмысь

Э, пуные…

Ма вераз Борис?

Трамплин

Мон тодам ваисько…

Кисло-кусло-раката

Ма утча Костя?

Писэйпи миськон

Ӵуказе куто

Кунян

Ӧвӧл дыръяд, нэнэ

Чик-чирик, ученик!

Ческыт маке

Полюсын

Кузьым

Шалтыртон

Кылбуран кружокамы

Тулыс хор

Возьдаськись

Зорлэсь ватскем

Лыдъяськисько

Беклёр но контролёр

Кылбур

«А» но «1»

Котнунал

Песяйзэ жаля

Обидизы

Малы?

Губи паровоз

Шыколад кампет

Лилия

Композитор

Яратэ – уг яраты

Огзэс огзы дышето

Визнасьёс

Балет

Тӧдьы губи

Олёшлэн кылдуръёсыз (Тупатъялэ Олёшлэсь кылбуръёссэ)

Рысак

О-ля-ля…

Лыкты, чорыге.

Шунды но мемей

Миндэре

Кышъяськыны коть яраз

Юрттӥзы-шунтӥзы

Висьыны капчи-а, ма?

Витись книгаос

Озьы вуэ ӵукна

Мон ӧй

Зурод сюрон

Тулыс мылкыд

Азьланьзэ малпаса

Шырась

Шунды шорын

Шузи исьнер

Кать

Луд кырӟан

Юбер вуиз

Ӝӧк сьӧрын

Война но мир

Сайкан

Ручка

Висьыку

Клоун

Кут кулон губи

Бызе шунам лымы

Алла Кузнецова

“Былие”. Ӝог веран

Чимасьлэн лыдъяськонэз

Лидия Чернова

Палэзьпу

Тол суред

Ой, быри

Унябей

Шулдыр

Коӵыш сайкам

Куча

Т. Чернова

И. Гаврилов

Ю-нянь бусы

В. Широбоков

Анай

Степан Широбоков

Коньы

Ф. Пукроков

Вордӥськем шаер

В. Широбоков

Мусо мемие

Р. Рылова

Анай

Владимир Михайлов

Гудыриӵашъён сяська

Вордскем гуртэ (Сказочное село)

Ӝогверан

Песянай

Ульфат Бадретдинов

Пумтэмлык

Ӧвӧл

Пумпус *

Пӧзь но пӧсь

Ӵуказе

Дырды

Вань ке ваньмон дырды,
Ваське ошмес дуре.
Отын питрес дырды
Вулэсь тулкым «дуре».

Усьтон

Кисыысьтым эн усь тон,
Верасько тыныд, усьтон!
Тонтэк доре уд пыры,
Сылоно луоз кырын.

Каратэ

Пичи Петя куаретэ:
– Басьтэ мыным каратэ!
– Кытысь басьтом ми сое?
Со уг вузаськы, пие.

Лангаед сётэ куара

Куа, куа, куа – со куака?
Чик ӧвӧл ук со куака!
Куа, куа, куа – со куара?
Лангаед сётэ куара!

Лобасал

Унябей сяськаос ӝужаку,
Вож турын выллане ӝутскыку,
Лобасал возь вылтӥ муш выллем,
Собере луысал зор пилем,
Вуэн ӵош пыӵасал будосэ,
Улӟысал сяськаен кабатсэ.*

Ӝуа тэльмы…

Ӵуж-горд тылын ӝуа тэльмы,
Паймод-бырод – ӵындэ шурмы.
Кысӥсь ӧвӧл гомась тылэз,
Кузёяське пушказ – Вакыт.
Ӝутскись ӵынэд уг сут бамез,
Сямыз солэн, шӧдске, лякыт.
Тылпу кысӥсь таӵе дыре
Беромыса вуэ зорен.

Укное ноку уг кӧл

Укное ноку уг кӧл,
Мылкыдыз котьку вӧл-вӧл.
Мадьыны гинэ уг дыш,
Оло, мон ачим янгыш?
Юаме ноку ӧвӧл,
Малы со улэ дол-дол.

Пукы

Эн пукы тон, пукы,
Тон сыл, тон часовой.
Эн вунэты ноку:
Вулэсь уд потты вӧй.

Тон ул чылкыт вуын,
Эн уя кырсь вӧйын.
Кин люкетоз тыныд,
Кутод курикеныд.

Шур пыдсозь

Эн шуэ монэ пичи –
Кышкатэк вуэ тэтчи.
Зымыса шурмы пыдсозь,
Мон потӥ отысь туж сэзь.
Сачырмиз йыры мынам…
Кытысь со дэри бичам?
Паймисько…

Кытчы ке

Кытын, Кытӥ, Кытчыке
Мыно кема кытчы ке.
Юаны нош кытчызэ
Валанзы ӧвӧл кабзэ.
Потӥды ке кытчы ке,
Тӥ эн сюре юмоке.
Сюресты медло вольыт,
Вамышты котьку йыгмыт.
Кытын, Кытӥ, Кытчыке
Ялан мыно кытчы ке,
Утчаса сюрес пумез…

Ма каром?

Огыр-бугыр дорамы.
Куара поттэ Макармы.
– Ма каром на, ма каром?
Ӧз на пӧзьы макарон.
Ӝоген вуоз куномы,
Маин сое сюдомы?
Азбар шорысь «коркамы»
Пыриз гольтрес куркамы.
– Чик ӧм ӧте ми сое,
Ма каром ни, мусое?
Бурдо пуке тӧршорын.
Нош ми – кыре пегӟемын.

Ку вуоз кезьыт?

Анае басьтӥз пальто,
Устолэсь но со усто.
Нош педлон ялан шуныт,
Ку вуоз меда кезьыт?

Выльмиз

Туннэ мон, песяй.
Укыр зол пӧсяй.
Дэреме воксё выльмиз –
Тыбыры сое миськиз.

Куно

Пичи Толик укыр етӥз,
Туннэ дораз куно ӧтиз.
Ӝӧксы сьӧры ӝоггес пуксиз,
Нырысь куно луиз ачиз.

Бӧчы

Отчы-татчы
Ветлэ бӧчы.
Ымыз – качы,
Йырыз – сяртчы.
Утча чечы
Оло пучы…
Вольыт пуӵысь.

Шундыберган

Ӧвӧл, чик ӧвӧл со огшоры,
Потэ учкемез шунды шоры.
Шунды кудлань, со но солань –
Берга, берга шундыберган.
Синмаськем будос ӵуж шундылы,
Нош соиз уг вала дугдылын:
Уйлы ватскыса инвис сьӧры,
Ӵукна потэ выль эшез доры.
Берга, берга шундыберган.
Шунды кудлань, со но солань.

Мадиськонъёсын – удмурт букваос

Чурыт …

Кыллэн азяз ноку со уз султы,
Гласной буква сьӧрын ӧвӧл инты.
Эшъёсыз нош чурытэсь, куать гинэ.
Люкаськемзы уг поты огинэ.

Очкиен

Очкитэк сое уд тодма,
Вордӥськемын со очкиен.
Кема эн малпаське токма,
Шедьтэ сое «йӧл»-ысь, «вӧй»-ысь.

Ӟечбур!

«Ӟуч» но монтэк уз «улы»,
«Ӟичы» луоз мукет пӧйшур.
Монтэк ӟечбур но уд шуы –
Тӥни сыӵе пӧрмиз кылбур.

Ӝӧк вылын – ӝук

Ӝӧк вылын пӧсь ӝук.
Мон но отын туннэ.
Сиеме уг поты, уг,
Уже вите монэ –
«Ӝӧк»-ысь но «ӝук»-ысь
Уд кошкы нокызьы,
Мон угось «возьмаськись».

Ӵындэ ни ӵукнаысен,
Ӵындоз ай ӵуказе но.
Ваньмыз со монэн сэрен.
Оло, тусме воштоно?

Веньёс

Ӵушъял вордӥське, пе, веньёстэк,
Улэмез нош уг лу соостэк.
Аръёс пыр ортчыса асьмеос
Малы ке луиськом лек веньёс.

Семён Карпов

Куараё-лангаё

Адӟо

Уг лэзьы на

Ӵукна

Бертӥз

Кисьтэ

Чеберъяй

Пичи нуны

Кичӧлтӥсь

Шулдыртом Выль армес

Кузьмало

Малы озьы?

Алексей Ельцов

Мунчокузё

Мыдланес чуръёс

Лымыпог

Кужмогес вылэм (Сӥзьыл)

Леонид Ившин

Ыжпи

Коньы

Лозо шуре

Вордскем гуртэ

Арганчи

Марӟан лысву

Вордскем шаер

Малпанъёс

Нюлэс

Нунал ортчыса

Пётр Кубашев

Денис

Вениамин Ившин

Кин шаплы вералоз?

Вукылэс выжыкыл

Лымыос

Кече-пеле

Сӥзьыл

Ужась тӧл

Песяен ке кылисько…

Иосиф Иванов

Кинэ ӧз лыдъя Света?

Укноысь экран

Исаськись Витя

Кин ваёз на ӟардонэз?

Сюдыкум курегъёсмес,
Мон ӧй адӟы атасэз.
Со малы-о беромем?
Калгонъяз шат йыромем?
Малпаса ӵуказезе,
Сергимы бӧрдэ-вузэ:
– Кин чортоз на вазь ӵукна,
Ӟардонэз ваён понна?
Кинлэн жин-жин куараез
Уллялоз пеймыт уез?

Гужем

Ой, ӝокыт ук! Саюлын но
Пӧсяно сучырмытозь.
Чидамтэ пӧсьлы тӧлэд но,
Саюлтӥ калге ӝытозь.

Ӧжытлы ке но, тӧл, пот ай,
Пелля пӧсь шунды шоры.
Кӧня ке но сӥялскоз я
Юзмалоз ӧжыт омыр.

Кызьы уд лу дэриесь!

– Учкы, нош ик дэриен
Наштаськем ни тон, пие.
Кӧня пол мон вералом,
Кызьы, кызьы визьмалом?

– Выль корка пуктӥськомы,
Муръёзэ поттӥськомы.
Кирпичез шукко сюйлэсь,
Бен кызьы уд лу сюесь?!

Азьлань

Вал вылэ сэзь тэтчыса
Лобисько тушмон пала,
Эшъёсме азьпалтыса
Кеськисько:
– Ӝоггес! Азьлань!
Нош анай монэ алэ:
– Шыпытгес!
Геля кӧлэ.

Пичи зор

Одӥг пол шуиз нэнэ:
– Ойдо ай, нылы,
Ветломы магазинэ
Кыкнамы зорлы.

Ӵужекто, пе, убоос,
Тырмытэк мускыт.
Басьтомы, пе, асьмеос
Пичи зор тыныд.

Мынӥсько мон паймыса:
Вузаське шат зор?
Нош берло валатскыса
Серектӥ гор-гор.

Убомес мон табере
Весь мускыт возё.
Учкы ай, кыӵе зоре,
Шапыкъёс усё!

Юзмыт му вылын будос
Йыбырттэ, лэйка.
Улонзэс утиз угось
Пичи зор – лейка.

Ю-нянь

Зарни нянё бусы кузя
Ширто-дырто машинаос.
Соос сьӧры улляськыса
Бызё-бызё ю тулкымъёс.

Потэ, лэся, тыр шепъёслэн
Кисьтӥськемзы кузовъёсы.
«Комбайн лыктоз-а ни ӝоген?» –
Ӵем юалля зарни бусы.

Ӝытазе тэль дурысь тыметын
Вань улос чалмытскиз, чусомиз.
Луд ӵӧжъёс буйгазы пеймытын,
Вож эбек но умме ни усиз.

Вӧтало чорыгъёс мур кожын,
Чайылэн но уммез туж ческыт.
Нош шашы, шур шорысь вож шашы,
Шыпыртэ на ялан:
– Ш-ш-ш-шыпыт…

Выль дэрем

Городысь, пе, ваем
Выль дэрем анае.
Эктӥсько кырӟаса,
Ураме потыса.

Ой, ваньмыз ик эктэ:
Писпуос, коркамы…
Паськытгес пальпотэ
Юг шунды инбамын.

Ваньзы ик монэн ӵош
Шумпото кузьымлы…
Выль дэрем сярысь нош
Кин верам соослы?

Выль молот

Кытысь шуоды выль молотэ?
Атае гинэ сое тодэ.
Со угось ачиз мыным толон
Кебитын лэсьтэм пичи молот.

Ну бен ужало ни табере:
Пуны кар лэсьто корказь бере,
Чигиськем куасме но тупато,
Оло, выль пукон но пӧрмыто…

Котьма ик луоз ни лэсьтэме,
Молотлэн ӧз лу ке азьтэмез.

Ужпи

Максимен кыкнамы
Ужпиез кыткимы.
Ворттылӥм азбартӥ,
Ураме но потӥм.

Гонӟыртон куспамы
Тып! дугдӥз ужпимы:
– Мон жади ни, тырмоз,
Мед Максим вал луоз

Сикын

Сикын губи бичакумы,
Коньыпиез ми адӟимы.
Картузэныз Петя лэзиз,
Нош картузэз вае дэмӟиз.

Зӥртӥз Миша но кепказэ,
Ӧз ву – кугӟаз ӝужыт кызэ.
Тау карыса кадь, шорамы
Вылӥысен коньы учке:
– Та саламдэс – губиостэс –
Толалтэлы куасьто, иське.

Чонари

Чонари выре чырткем,
Шудэмез, лэся, потэм.
Со лэзькиз мынам азям
Шундылэн сиез кузя.

Ю бусы

Чырмыт тулкымъёс шудыса веттасько вал,
Ыстэ вал сюлме шунытсэ ю бусы.
Али нош бусы тырттэммем ини, чал-чал,
Бадӟым узырлык ватэмын кеносын.

Бушам ю бусы тулкымен уг ни лэйка,
Калго ни татӥ юзырес лек тӧлъёс.
Зарни тулкымо зарезьлэсь мӧзмыса кадь
Сыло бусыын корабльёс-зуродъёс.

Пуктӥсько мон выль гурт

Пуктыло мон шур дуре
Выль юртъёс.
Мерттыло гурт котыре
Вож садъёс.

Инбаме югыт шунды
Ӝуато.
Возь вылэ сяськаосты
Ӝуӝато.

Нош тырмиз на ке эшшо
Буёлэ –
Тракторъёс суредало
Луд вылэ.

Нискылась

Ӝӧк сьӧрын суредаса,
Туж кема пукиз Фиса.
Салазки но пӧрмытэм –
Гурезьысь огназ ширтэ.
Суредзэ бубиз адӟиз:
– Кытын нош, нылы, ачид?
Валэктӥз Фиса лякыт:
– Тани та лымы люкын.

“Лымы мунё”

Кин озьы азбар шоры
Лымылэсь мунё пуктэм?
Пальтоез гоно, пурысь,
Нош паллян киыз пӧзьтэк…

Ма, таид вырӟиз, лэся?!
Вамыштӥз ук! Ой, усиз!
– Мон лымы ӧвӧл – Вася, –
Султонъяз «мунё» вазиз.

Толэзе пукси

Гурезьтӥ салазкие
Тӧллэсь ӝог лобе –
Со мынам ракетае
Толэзе тубе.

Ворекъя котыр чиль-воль,
Со – кизилиос.
Кышканэн йырин ӧвӧл:
– Ӟеч луэ, эшъёс!

Лӧптэмын мылкыд чылкак,
Шеръямын киос..
Нош сюрес вылын ӵапак
Выль лымы пуктос!

Эшъёсы монэ горо:
– Питыраз, усиз.
– Мон ӧй усьы, – шуисько, –
Толэзе пукси!

Льӧль ӟардон

Льӧль ӟардонэз нош кин меда кисьтэм
урысялэс тулыс лымы вылэ?
Лымы ӝуа… бусы льӧль-горд пиштэ,
Льӧль буёлэн гома батыр нюлэс.

Ваньмыз ик льӧль – гуртмы, возь выл, тымет,
Льӧль бурдоос чирдо гомась инмын.
Сюрес кузя выжыкылын сямен
Ворттэ кин ке чырмыт льӧль вал вылын.

Ӵукна

Куазь ӟардыку, корка пушкы
Югыт пыре пезьгыт тылсиосын.
Пеймыт нош куалектэ,
Солы кышкыт.
Со кӧдэктэ,
Пегӟе серегъёсы.

Кытысь тодӥзы

Мон потӥ вал ульчае
Шудыны чималиен.
Эшъёсы нош уллязы:
Миськымтэ, пе, бамъёсыд.
Бен, зэмзэ, туннэ ӵукна
Ымнырме ӧй пылат на.
Со сярысь нош эшъёсы
Кытысь меда тодӥзы?

Эшъёс

Мунёез Леналэн
Эшъяське мынамен.
Пумисько нуназе –
Люкисько ӝытазе.
Куспазы тупаса,
Шып пуко шудыса,
Ми уго асьмеос
Ленаен ӟеч эшъёс.

Кызьы нимыд

– Кыӵе мусо пичи ныл!
Кызьы ай тынад нимыд?
– Эн вера солы, Тома! –
Нылашез выныз визьма.

Мон но, тон но, ми но тӥ

Уй куспын выль лымылэсь
Азбарын кылдэм гурезь.
Пазяське пуштрес лымы –
Ми туннэль лэстӥськомы.
Ветломы со туннэльтӥ
Мон но, тон но, ми но тӥ.

Малы мӧзмыт

Чупырес Павлик выны
Чик маза уг сёт мыным.
Со кыска книгаосме,
Шудыны ёртэ монэ.

Читайте также:  Ser спряжение глагола в испанском языке таблица

Киысьтым тупез басьтэ,
Портфельме шуак усьтэ.
Ерпечка выны вӧзам
Шокчыны уг сёт маза.

Нош туннэ тани Павлик
Дорамы ӧвӧл али.
Песянай сое нуиз,
Возьмало ӧжыт шуиз.

Мон дасяй урокъёсме,
Утялт книгаосме.
Коркамы шыпыт гинэ,
Ёртӥсез ӧвӧл монэ.

Малы ке шудэм уг пот,
Малы ке мылкыд урод.
– Анай, кытын Павликмы,
Утчаны шат потомы?

Узыр сӥзьыл

Бен, узыр ик вылэ та сӥзьыл,
Милемлы со дасям трос кузьым:
Пушмульы, губиос трос пумо,
Помидор, горд палэзь но улмо.
Пудолы нош паськыт возь вылын
Бадӟымесь зуродъёс будэмын.

Писпуослэн сюлмаськонзы

Садамы писпуос
Дасясько ни рос-прос
Доразы матэктӥсь лек толлы.

Усьылэм куаръёслэсь
Лэсьто буй-буй валес:
Мед небыт, пе, луоз мугорлы.

Зол гинэ ужазы –
Я, вуиз валессы.
Нош уг выдо ялан писпуос.

Ма, кызьы выдозы,
Ай ӧвӧл шобретсы,
Шобреттэк мар изем, пе, луоз.

Тол вуиз чупырес,
Ваиз вӧл-вӧл шобрет,
Писпуос нош уг выдо ялан.

Ма кызьы, пе, выдод,
Шӧдытэк ук кылёд
Тулыслэсь вуэмзэ ми пала!

Зор бере

Пукисько укно дурын
Зор киьстэ ведра дурын.
Малпаса ул кема,
Нош вуэз сутӥ ке – ма?

Бызьыса потӥ кыре
Ву аслыз сюрес кыре.
Ворттыса зор ву сьӧры,
Вуиськем гуртмы сьӧры.

Валады ини, дыр, тӥ,
Мон ӧй чакласькы, дыртӥ.
Сапегам ву омыртӥ,
Ведь уд мыны омыртӥ.

Бусытӥ, бакча бертӥ
Бызьыса доре бертӥ.
Котмем дӥсьёсме кыли,
Майка кож гинэ кыли.
Апае мынам Вера
Йыркурен мыным вера:
– Лӧпотыны эшшо дӥсьтэ,
Наштамед ук вань дӥсьтэ!

Уть, выльысь кыре потэ,
Висемед, оло, потэ.
Атаед тани вуоз,
Небыт азяд е вуоз.

– Мон езе гурын суто,
Нош вуэз одно суто!

– Кытчы ай сыӵе, шурмы,
Дыртӥськод?
Туж сюлмо жильыртыса
Бызиськод?
– Ужъёсы укыр уно, –
Шур вазе. –
Мыным ӝогак вуоно
Зарезе.
Нуоно та нюлоэскысь
Пуръёсты.
Дун вуэн пылатоно
Лудъёсты.
Гурт пумын бергатоно
Вукоез.
Люктано колхоз гидысь
Пудоез.
Ужъёсы, адӟиськоды,
Туж уно.
Ӝеганы мыным уг лу –
Дыртоно.
Но озьы ке но, эшъёс,
Мон ӧжыт
Бергало ай тӥ вадсьын
Мур кожын.
Я бен кылиське серыт –
Пылато.
Мугордэс юзмыт вуэн
Кыдато!

Кизиз пилем зор шапыкъёс

Кезьыт, лек тол ортчем бере,
Тулыс лыктӥз шулдыр зорен.
Чагыр пилем кизиз туж трос
Бусыямы зор шапыкъёс.
Чебер, шулдыр нуналъёсы
Вож-вожектӥз быдэс бусы.
Зор шапыкъёс, лэся, озьы
Вож узьымен бычыязы.

Кызьпу но мон

Юртмы вӧзысь веськрес кызьпу
Чылкак гольык кылиськыку,
Мон, потоно ке шудыны,
Дӥсяьскисько шуныт-шуныт.
Кызьпу дӥся ке вож дэрем,
Гольык мон потӥсько кыре.

Ваменэс туп

– Эй, Петя, али ик пыр,
Кӧлыны вуиз ни дыр!
– Пырысал но, малы ке
Тупе туж ваменъяське.
Шудэме потэ на, пе,
Киысь питырске тупе.

Сэзь ӵукна

Мон туннэ
Ӟардэмлэсь азьло султӥ.
Пыласьки,
Кырӟаса кыре потӥ.
Мон адӟи
Нуналлэсь вордӥськемзэ,
Ӵукналэсь
Шорам шулдыр пальпотэмзэ.

Паймыса учки
Ӝужась шунды шоры,
Бызьыса мынӥ
Сайкась нюлэс доры.
Нош малы меда, малы тӥ, шуоды,
Мылкыды
Ӝытозь ик вал шулдыр?

Тюрагай

Пумтэм-йылтэм луд вылын
Веттаське ю-нянь тулкым.
Шундыя воринъяське –
Зарниям кадь адӟиське.

Вазь ӵукна со тулкыме
Тюрагай чуак зыме.
Юэ азвесь лысвуэз –
Куараез луэ жингрес.

Лысву весь

Лысвуос вож вылын
Пиштыло юг-юг тылын,
Жиль марӟан кадесь.
Соосты адӟиз шунды –
Бичамез потӥз, вылды:
Пӧрмоз усто весь!

Быльырась лысву доры
Сиоссэ лэзиз сэрыт –
Коштанъяськемез ӧз лу.
Куар вылысь жиль марӟанэз
Юнме луиз бичамез –
Бус луиз лысву.

Эмезясь

– Малы, Вани, бамъёсыд
Луиллям сыӵе ӵыжыт?
– Жадьыса со сыӵе горд,
Нюлэскы ветлӥ уго
Бичаны эмезь.

– Бен сокем жадид бере,
Пырыса тыныд доре,
Ӟеч шутэтсконо.
Нош ӝытпал ини ваньмы
Эмезьдэ веръяломы,
Пичиен ке но.

– Банкаме ик нуллыса
Катьтэмми мон, эсьмаса, –
Кельтӥ тэль куше.
Пыдэссэ но банкалэсь
Ӵоксамон ӧвӧл эмезь –
Бичамон ӧз шедь.

Кисьмамез, ма, отын трос
Но бичад ке, со быроз
Банкаын юнме,
Паньгалоз отын тач-тач,
Тӥнь соин сое ӧйлась
Бичатэк ыме!

Ӝыт шунды

Лумбыт ӵоже
Шунды юг-юг пиштӥз но
Ӝытпал лэзькиз
Нюлэс вылэ каллен.

Ӝыны кылиз,
Оло нош, вандиӥськиз со,
Пила выллем,
Лэчыт пинё тэлен?

Вуюись

Тэтчаса пал пыд йылаз,
Зор кошкиз нюлэс пала.
Пилемлэн нош бервылаз
Вуюись ини паля.

Вуюись – чибор пукыӵ,
Ньӧлъёсыз – шунды сиос,
Ву вылэ усем шапык –
Пуктылэ мишень кругъёс.

Дыртӥсь пилем

Ӝытазе бадӟым пилем
Инбаме огназ кылем.
Мӧзмыны кутскем бераз
Ӟеч млпан лыктэм йыраз:

– Ветлоно ай куное,
Адӟиськоно шундыен.

Дыртонъяз нош со пилем
Кызьы ке янгыш кылем –
Шунды сиен бышкалскем,
Бадӟым кӧтсэ пась карем.

Соин тӥни табере
Ӝыт жаль-жаль зоре.

Кин янгыш?

Витямы ӝыт пал бертӥз –
Синдурыз лызэктэмын.
Юамы но – ӵыжектӥз,
Волегӟи, пе, урамын.

Нош берат ӧз чида ни,
Вераз
Мырдэм кылымон:
– Ваньмызлы янгыш Вани…
Со ачиз кутскиз… Нош мон…

Со ачиз донгиз нырысь,
Уськытӥз шуак монэ…
Мон ӧй кутскы… Мон, марым…
Исаськи гинэ…

Катаос – койка улын,
Штаниос – пукон вылын,
Дэрем – шкафе понэмын,
Картуз – ӵоге ошемын.

Сэзь ӵукна тани вуоз –
Павликмы но сайкалоз.
Та дӥсьёс соку ваньзы
Шулдырак пумиськозы!

Сӥзьыл сад

Гуртэ зарни сӥзьыл, шуо, вуэм,
Соин, пе, вож садмы ӵуж-ӵуж луэм.
Мыно ай чалякгес мон сад улэ –
Адӟем потэ аслам со сӥзьылэз.

Бен, зэм но, писпуос ӵужектэмын.
Ачиз но зарниям сӥзьыл кытын?
Со ӵуж бере, ӵуж писпуос пӧлысь
Уг адӟиськы, луоз, нырысь-валысь.

Бусыын

Сӥзьыл пал мон потӥ бусые –
Со бушам ни, гыро ни сое.
Кельтыло бӧрсязы тракторъёс
Ӵошкытэсь-ӵошкытэсь сьӧд чуръёс.

Ма сярысь со чуръёс верало,
Кин меда лыдӟыны валалоз?
Пальпотӥз мон шоры тракторист:
– Нянь сярысь со чуръёс, – валэктӥз.

Шунытэз пулэн уно

Ужаськом ми шулдырен –
Вандӥськом люкам пумес.
Кезьыт тол вуэм бере
Со шунтоз корка пушмес.

Шунытэз пулэн уно,
Туж шырыт солэн сямыз:
Ай гуре ӧз пыр ке но,
Шунамы ни, пӧсямы.

Укноысь экран

Тол Бабай тӧдьы шуба, дыр,
Уин возъям укное –
Уд но кесьы, уд но ванды,
Уд но ишкалты сое!

Мӧзмыса чылкак огнам мон
Шат чус-чус пуком коркан?
Укнолэн шораз пелляй но –
Усьтӥськиз пичи экран.

Телевизорын выллем ик
Адӟиське отӥ ульча:
Нискыла Васи, Илья нош
Куасъёссэ али кутча.

Салазки ширтэ – Семи со
Ӝог ваське гурезетӥ.
Нош кытчы озьы Лариса
Вамышъя укыр етӥз?

Киноын шудӥсь муртъёс кадь
Адӟисько вань эшъёсы.
Уг, огнам коркан уг пукы –
Пырисько шудоназы!

Куасэн

Бызьылыны ми потӥмы,
Нош мышкамы куас пытьымы
Кык рельса кадь кыле.
Шаплы-шаплы ширтӥськомы
Чурен, огмы бӧрсьы огмы –
Трос вагонъёс выллем.

Капчи гылӟо куасъёс азьлань,
Но тубоно тани выллань –
Ӝужыт гурезь баме.
Я, кин ӝоггес – ӵошатскомы!
Тубим.
Жадим.
Шокаськомы,
Паровозъёс сямен.

Выль пальто

Выль пальто басьтэм бере,
Кызьы, пе, уд пот кыре!
Эшъёслы возьматоно,
Ӧжытак ушъяськоно.

Дӥсяськиз Мики сэрыт.
Выль дӥсез кыӵе шуныт!
Табаре та пальтозэ
Со нуллоз кык-куинь арзэ.

Кык-куинь час ортчем бере
Микимы дораз пыре.
Малы ке йырыз ошкем,
Викышъя пияш лушкем.

– Укыр, – шуэ, – ляб вылэм
Басмаез та пальтолэн.
Писпуэ туби-васьки –
Нош пальто ини кеськиз.

Анаелы кузьым

Урамын котыр тӧдь-тӧдь лымы,
Кезьыт тол отын кузёяське.
Нош укно дурысь горшокамы
Вож будос сюйысь ни мычиське.

Мон ачим сое отчы мерттӥ –
Сьӧд сюе соги ӵуж кидысэз.
Арняскын нош кидысэ потӥз,
Ӵуж ӧвӧл ни – вож луэм быдэс!

Ву мон киськасько будос вылэ,
Чидатэк шораз учкылӥсько.
Оскисько: Тямыс март нуналэ
Будосэ одно сяськаяськоз!

Март

Ыбылэ ни март толэзь
Пальпотӥсь тусын
Акылес кезьыт толэз
Шунды сиосын.

Тол куазед кужмо ке но,
Куалектэ, лэся.
Ожмаськон понна, уно
Кивалтос дася.

Липетъёс борды оше
Ӥӧ ӟузыриос.
Соосын потоз оже –
Мартэз бышкалтоз…

Нош тулыс серекъяса
Ыбылэ золгес.
Бӧрдытэ со, эсьмаса,
Катьтэммем толэз.

Кытчы гинэ учкисько – букваен пумиськисько

Агаеным кыкнамы
Ми улмо бичаськомы.
Лапеггес мон агайлэсь,
Нош сузисько вылэгес.
Кызьы озьы шуоды?
Мон –
А выллем тубатын.

Бызьыса бертӥ но мон,
Нош ӧсын – бадӟым тунгон.
Шат йӧнзэ шедьтод солэсь –
Пырыны монэ уг лэзь
«Нырысь, – шуэ, – шедьтод тон
Б буква выллем усьтон».

Вынылэсь книгаоссэ
Лыдӟылэ ӵемысь песяй.
Но векчи букваоссэ
Шугенгес адӟе, лэся.
Кияз книга кутыса,
Гожтэмзэ ке со учкиз,
Одно поноз синъёсаз
В буква выллем очки.

Гурын тыл ӝуа гом-гом,
Ми туннэ шаньги пыжом.
Эгырез кыскоз нэнэ
Г тусо гур суранэн.

Дыртыса бызе тудву –
Бызьыны бӧрсяз уд ву.
Тӧлпоё пыжме вуттӥ,
Мон лэзё сое вутӥ.
Со уз выйы мур коже,
Д буква выллем пыже!

Ерпечка ик та Вова –
Мажессэ тӥяз, ява!
Куинь пиньыз гинэ кылиз –
Чылкак Е буква выллем.

Ёртыса монэ выны
Крокодил суредатӥз.
Нош ачиз шуиз мыным:
– Ё буква, лэся, кылдӥз.

Жу-у-у! Жу-жу! мынам азьтӥм
Вукарнан лобӟиз-ортчиз.
Сачокме ӝогак басьтӥ,
Ярдуре сэрыт тэтчи…
Вукарнан ӝиптӥськыса
Сачокам лап-лап кылле.
Чик ӧвӧл карнан кадь со –
Ӵапак Ж буква тусо.

Ӝуй бичаз Ӝакы ӝикыт,
Ӝогак ӝук пӧзьто, пе, ӝыт.
Ӝыт Ӝакы ӝуксэ ӝутӥз,
Ӝогомиз ӝоген ачиз –
Ӝог ӝуам гураз тылӝу,
Ӝуаны ӝимем ӝуй ӝук.

Зурк тэтчо кык такаос
Огызылы пумит огзы.
Шорк! гинэ вазё золос
З буква кадь сюръёссы.

Ӟукыртэ ӟезьы ӟиры:
– Ӟигары ини быриз
Ӟезьыын ӟардэм дырысь
Ӟечыра ни ӟольгыри.

Изьытэк пуны кылиз –
Ӝыт со мурт куара кылӥз.
Уйбыт куаньгетӥз, утӥз,
Кузёзэ озьы утиз.
Инбамын чилектылэ
Пилемо гужем ӝытэ.

Ӥ буква тусыз тыллэн,
Синъёсыз ик мальдытэ.

Йӧнылэн йылол йӧнтэм,
Йыдыез тӥни ёртэм:
– Йыбыртты мон азьын тон
Йырсазьдэ ик ыштымон!
Йӧнъяськонъяз кытысь ке
Йыды лудэ вуэм кеч.
Йыдылы кылиз эркын –
Йӧнтэм йӧны йыръемын.
Кортӵоге гинэ азьло
Ошемын вал дӥсьёсмы.
Нош атай шуккиз толон
Выль ӵогъёс борддорамы.
Урдсысен котькуд ошет
Букварьысь К-лы кельше.

Лэсьтӥз милем атаймы
Шудон корка
Садамы.
Л буква кадь липетсэ
Буямы чагыр-лызэн.

Макем трос лэчыт пиньёс
Пилалэн тыбыр вылаз.
– Быдэс чур М букваос! –
Паймыса вераз Мила.

Натӥлы шуиз Игнат:
– Йӧндыри мон выль тубат.
Кык пуӵез ӵогай вамен…
– Та тубат ке шат?
Та – Н!

Олялы туннэ мумиз
Городысь эгес ваиз.
Олямы паймиз, ява:
– Ой, ма быдӟа О буква!

Ӧчкетӥсь сямо Натӥ
Мунёлэсь йырзэ чигтӥз.
Чингыльтӥсь-султӥсь Вани
Ӧлексы кылиз тани.
Ӧ буква выллем тусо,
Шудыны уг мын ни со.

Пиослэн киосазы
Конгроесь клюшкаоссы.
Зол шукко ке шайбаез,
Торк! пыре со капкае.
П буква выллем капка
Шайба пыремлэсь кышка.

Ручкаен гожъяськыны
Дышетон понна монэ,
Р выллем ручка мыным
Басьтыса ваем нэнэ.

Сэзь инмын кизилиос
Уногес, дыр, со сюрслэсь.
Соосты уйбыт утёз
С буква тусо толэзь.

Тулысэд ни матэктэ –
Уморто ини кулэ.
Т буква кадь молотэн
Кортӵогъёс йыгай пулэ.

Ужамысь агай бертоз –
Мыномы чорыганы.
Мон дасяй У кадь ӵогъёс
Визнан ньӧрмес пыкыны.

Физзарядка лэсьтыны
Ӧдъяськом ке выныным,
Кускамы кутӥськиськом,
Синучкон пыр учкиськом –
Ф буква кадь адскиськом.

Халатлы анай вандэ
Ӝӧк вылын чебер басма.
Нош качы мыным потэ
Х буква кадь ик, эсьма.

Циркысен адӟем слонэз
Дорысен мон суредай.
Суредме учкиз нэнэ:
– Ц буква-а, мар-а та?
– Тон ӧд вала, шуисько, –
Йырчукин учкид уго.

Чукинтыса пыд ласянь
Пукты ай та пуконэз –
Ч буква луоз азяд,
Учкид ке шораз урдэс.

Ӵогырес ӵышкем ӵушъял
Ӵыжинэз ӵыжиз ӵук пал.
Ӵабъяськись ӵыжин питраз –
Ӵемтӥз ӵӧжлэн пыд бордаз.
Ӵуж пыдзэ ӵӧж янгышен
Ӵабтӥз ӵогрес ӵыжинэн.

Шур дурын сылэ зурод,
Нуоно гидэ куро.
Мон кутӥ ваё саник –
Ш буква кадь со тани.

Щёткалэн кадь ӵогырес
Та буквалэн вылтырыз.
Щёткалэсь висъян понна,
Купыртэм быжыз вань на.
Шыр пичи ке но йыръем,
Книгаез бадӟым йыръем.
Уть, тӥни кыӵе йӧнтэм,
Ваньбурез со изъянтэм.

Ыжъёсме ваи гуртэ –
Сюломе куштӥ сэргы.
Бодыме понӥ артэ…
Ма буква пӧрмиз ай? –
Ы!
Вай доры Лена сузе
Палэзьлэсь льӧль весь сузье.
Ӵыж-ӵыж пиштоз мӧлявыл,
Весез угось ӵыжак выль.

Эктыса кадь гопъёстӥ
Уробо туж ӝог потӥз.
Одӥгез нош питранэз
Тӥяськиз но луиз Э.

Юн керттӥм эгес борды
Ми вакчи гинэ боды.
Учкыса огпалласянь
Ю буква кылдӥз азям.

Яши суредам эгес,
Кык пыдо со малы ке.
Йыг-йыг гинэ вамышъя…
– Шат ӧд тодмалэ?
Со – Я!

Чимась но пегӟись

– Икча-кукча, кучапи,
Тон утчась, нош мон – пегӟи!
Тон шедьтӥд ке монэ ӝог,
Мон ватско соку эшшо.

Мар паймид?
Тыныд одно
Усто пуны луоно!
Тэльысь коткыӵе дыре

Мед шедьтод тон пӧйшурез.
Вот соин ки тон – чимась.
Я бен утча!
– Гав! Мон дась!

Выль нунал вордскыку

Чортӥз атас,
Кисьтӥз ӵукна гурзэ –
Гуртмы сайказ,
Усьтӥз ӵуж синъёссэ.

Нош муръёос,
Песятайёс сямен,
Ӵын юбоос
Ӝуто ини инме.

Вазиз капка –
Ӟазрес на куараез,
Ӧвӧл на кадь
Сайкиськемын уммез.

Ӟукыр! каре
Пыдъёс улын лымы.
Турлы гурен
Вордске выль нуналмы.

Турлы ужъёс
Витё ни котькинэ.
Я вай, эшъёс,
Лэсьтом ӟечсэ гинэ!

Сяськаос но кык эшъёс

Ченгешо кык пияшъёс:
– Ку тынад кӧтыд тыроз?!
Ма мында сяська тӥяд,
Уть, уг тэры ни кияд!

– Нош ачид азьтэмъяськид.
Тэк калгид но – вожъяськид?
Коркамес мон шулдырто,
Тон нош буш киын бертод!

– Сяськатэк бертӥ ке но,
Тэльысьсэ адӟем дуно.
Нош тынад тугокоед
Ӵуказе луоз кыед…

Лыктӥзы тэле пиос,
Нош малы вогъё соос?
Кудзы ке янгыш, вылды…
Кызьы тӥ малпаськоды?

Куакаос но шырчик

Вуизы сьӧд куакаос,
Кесясько чырмыт:
– Кар-р! Кар!
Мар карод – кулэ уго
Лэсьтыны ӝоггес выль кар.

Нош шырчик тани лоба:
– Фьюить! Фьюить! –
Мылкыд капчи.
Солэн карез дась уга,
Тыршонэз ӧвӧл ни чик!

Зорон азьын

Ӧй но шӧд мон, кызьы вань улос
Нуназе ик луэм ӝомалэс.
Ма мында лусьтроесь такаос
Быдэсак возъяллям инбамез!

Нош така,
Тодскоды асьтэос,
Сямыныз луэ котьку но лек.
Шат кудӥз ке така чидалоз,
Мукетсэ такаез лексьытэк?

Инбамысь такаос но озьы –
Ваче сюр дыбыр-шорк! мырӟисько.
Лекасько…
Нош сюръёсысьтызы
Югак тыл пырыос пазьгисько.

Ушъяськон но кышъяськон

Лусьтроесь луиллям пилемъёс –
Тӧл кесям жалятэк соосты.
Кин меда табере кышъялоз,
Кин ваче бырттылоз ваньзэсты?

– Мон вуро! –
Черектӥз гудыри. –
Шерыса ни дасяй тыл веньме!
Урмыса кадь ужаз, ӝог вуриз,
Тыршемез нош луиз кадь юнме.

Дыртыса выронъяз, тросэтӥ
Пасьяллям со ваньзэ пилемез.
Табере ини со пасьёстӥ
Жаль! вия пилемлэн зор вуэз.

Гудыри но инбам

Шузимем кадь тачыртӥз
Урмем гудыри.
Пильыны, дыр, со турттӥз
Инбамез шори.

Но ӧз сетӥськы инбам.
Гудыри чигназ,
Тэль сьӧры кошкиз ӝыт пал,
Ӟурыса понназ.

Ин ӧз сётскы…
Юн сямзэ
Данъяса солэсь,
Гадь вылаз медаль музэн
Ворекъя толэзь.

Кытын улэ шумпотон

– Кытын улэ шумпотон?
– Мон уг тодӥськы.
Нош тон?
– Тодысал ке,
Мыныса
Быдэс куды вайысал.
Эх, улысал соку мон,
Ваньмызлы вожъяськымон!

– Мон нош со шумпотонэз
Вайысал
Эшшо тросгес…
– Тон, иське, сыӵе аксым?
– Трос уг кельты мон аслым.
Тон ӧд вала но, оло? –
Эшъёсылы
Люкыло!

Кытысь – маин?

Нюлэскы – кудыен,
Нюлэскысь – губиен.
Шур дуре – визнанэн,
Шур дурысь – чорыген.
Тэль куше – сарваен,
Тэль кушысь – узыен.
Походэ – рюкзакен,
Походысь –
Кырӟанэн!

Ошмес

Мыкырски
Ошмес вадьсы чусак.
Учкисько но –
Паймымон мыным:
Ошмес син учке.
Учке туж сак
Мон шоры
Аслам синъёсыным.

Вуюись

Зор кошкиз но,
Чибор тылъёсын
Ворекъя ни карнан
Гурт вадьсын.
Нош ведра интые
Со пумын
Тэль дурысь тыметмы
Ошемын.

Сураськиллям ке шат?

Бакчаос сьӧрти огсыр
Шур бызе читыр-чутыр.
Со кузя нош кыстӥське
Луд сюрес уно иськем.

Лазега пӧсен шур кож,
Бен соин вуэз но пож.
Нош сюрес вылын тузон,
Со но ӵап шур ву тусо.

Уяло шурын ӵӧжъёс,
с но татын трос.
Курегъёс нош малы бен
Пыласько на тузонэн?

Вуизы шат шур дуре,
Ӟигарзы чылкак бырем?
Оло, нош сураськиллям,
Сюресэз шур кожаллям?

Азбарын-футбол

Шудӥськом лулысь-сюлмысь,
Азбарын – футбол!
Кин меда ни пӧлысь
Пыртоз нырысь гол?
Тупмес туж кужмо лэзи
Мон капка пала!
Нош малы жинграк вазиз
Укно пияла.

Эх, одно ик мон туннэ
Пыртысал ай гол…
Азбарын –
Чал-чал гинэ. Пегӟемын футбол!

Дыше ини

Велосипедэн ворттылыны
Лумбыт дышетске ини эше.
Ветлыны, ӧйтӧд…
Усьылыны
Со ини умой-умой дыше.

Кисьмам куаръес

Сӥзьыл садэ
Потӥм ми эшеным
Паймытскыса.
Эше шуэ мыным:
– Писпу куаръёс
Ӵуж-горд ни луиллям,
Ежесь ӧвӧл ни –
Ваньзы кисьмаллям.

Гужем гужаны кутскыку

Туж шуныт на куазь, шулдыр,
Шундыед пиштэ сюлмысь.
Ай уг вера на номыр
Гужемлэн пумыз сярысь.

Сӥзьылозь кема на, дыр.
Но адӟи, кызьы ӵуж куар
Чонари вотэс борды
Ошиськем но зыл-л лэйка.

Мон соку тӥни валай:
Гужемед ини гужа.
Улонзэ возе на ай
Туж векчи гинэ нюжа.

Возь

Котме-а ӟазег?

Туннэ кызь пол, оло, мон
Пыласькисько ни, дыр.
Вылтырысьтым пигон но
Пуке ини пештыр.

Чылкак ӟазег вылтыр кадь
Луиз ини куэ.
Озьы ке но, пыро на
Эшшо огпол вуэ.

Ӟазег, шуо, котьку но
Вуысь потэ кӧсэн.
Тани ӝоген тодо мон,
Пӧян со яке зэм…

Урамысен эшъёс нош
Каро монэ серем:
– Бен малы бӧрдӥськод тон,
Котмем курег выллем?!

Пӧсьтолэзь

Туж кема ини куазь
Чидантэм пӧсь сылэ.
Ю бусы кемалась
Пумыса кадь улэ.

Пилемъёс нош ӧвӧл,
Зор уг вуы ялан…
Но тани ыркыт тӧл
Шокыштӥз тэль палась.

Зор кисьтӥз шулдырен,
Вань улос кадь выльмиз.
Мугорыз бусылэн
Эзылаз, кисальмиз.

Толэзьысь ныл

Толэзьысь чебер егит нылэз
Вань-а адӟемды?
Пельпумаз – карнан…
Сылэ, сылэ…
Туж мӧзме, вылды.

Со угось отын улэ-вылэ
Одӥгназ дымбыр.
Учкыса нош музъеммы вылэ
Бӧрдылэ но, дыр…

Куараез гинэ со нылашлэн
Музъемозь уг ву…
Нош кытысь ӵукна
Турын вылэ
Усьылэ лысву.

Шунды но мон

Лумбыт зол ужаз шунды
Пиштыса-серекъяса.
Нош ӝыт пал жадиз, вылды,
Кӧлэмез потэм, лэся.

Усиське ни со умме,
Кынисько ни синъёсыз,
Ланьырске ини пумен
Небыт тэль вылэ йырыз.

Мон но выдо ини, дыр, –
Ӵуказе уже туж трос.
Вазь ӵукна монэ шунды
Пальпотыса сайкатоз.

Ассэ эскере

Гурт вӧзтӥ огсыр бызись
Пичигес гинэ шурмы
Куддыръя луэ шумприч –
Кужымзэ поттэ чырмыт.

Погылське тулкымъёсын,
Пазяське тӧдь шукыен,
Шып уясь тылыосыз
Яр борды но шуккылэ.

Со лазег, сюбег на ай,
Но ортчоз уно иськем…
Зарезе вуон понна,
Со али ик дасяське.

Эскере ассэ ачиз,
Мерта озьы кужымзэ.
Но ум кышкаське ми чик –
Валаськом уго сямзэ.

Мӧзмыт мыным

Тӥляд вань-а дорады
Песяйды, песятайды?
Нош мынам тани – ӧвӧл.
Соостэк, шуо, вӧл-вӧл.

Бен, квартирамы пушкын
Ваньмылы милем эркын,
Быдэн комнатамы вань –
Коть тон пук,
Коть выд гань-гань.
Анае но мынам ӟеч,
Атае но мынам ӟеч…
Но малы ке но мылкыд
Ӵем дыръя луэ мӧзмыт.

Мон кема меда тазьы
Жум пуко корка азьын?
Мед ӝоггес ни вуоз вал
Мӧзмонлэсь мозмон нунал!

Кучапи

Кучапи туннэ мыным
Атае басьтоз.
Мон солы ас киыным
Чебер кар лэсьто.

Кар пушсэ котьку но мон
Возё сузяса.
Бен, кароз монэ сюлмо
Кучай, эсьмаса.

Ужаны кутско тани
Косытэк гинэ.
Мон, анай, пото ини,
Дӥся ай монэ!

Эшелы гожтэт

Мон гожтэт гожтӥсько.
Эшелы.
Нырысьсэ.
Син азям пуктӥсько
Солэсь шумпотонзэ.

Верасько гожтэтам
Улэмме-вылэмме:
Ма адӟи уйвӧтам,
Нискылтӥ кудкеме.

Пуныме ку сюдӥ,
Кин мынам песяе…

Гожтэтме мон вуттӥ –
Нуисько почтае!
Мон одно ик тодо,
Ку вуоз гожтэтэ –
Эшеным ми уго
Улӥськом но
Артэ!

Тодӥсько кин луонме

Ми палан эшшо огзэ
Пукто выль ӝужыт корка.
Нуйтыса кузь чыртызэ,
Кран солэн вадьсаз берга.

Со адямилы юрттэ –
Ӝог ӝутэ кирпич, бетон…
Ведь крантэк ӝужыт юртэз
Нокызьы
Уд пукты тон!

Мон, быдтӥ ке школаме,
Малпаса уг улы чик.
Тодӥсько кин луонме –
Луо одно
Крановщик!

Сылал сиыса

Песятай индылэ весь монэ:
–Пиёке, тон ай чылкак юмал.
Валаны понна та улонэз
Сиёно на тыныд
Пуд сылал!

Мон уг валаськы –
Малы сылал?
Со визез шат трослы будэтэ?
Песятай нош:
– Юмал на, юмал… –
Малы ке лушкемак палпотэ.

Пызьнасько сылалэз сиёнам
Данаклы уногес азьлолэсь.
Йырвизьмы нош йылэ-а мынам? –
Малы ке но
Уг шӧдӥськы весь.

Бӧрдгазет

Классамы юр-яр! вазе –
Ошемын выль бордгазет.
Тумошо суредъёсын
Кыкчиос возьматэмын.

Тани соос лыдӟизы –
Тёп-тёп вия синвузы.
Тӥни сыӵе бордгазет.
Шонергес ке –
Бӧрдгазет.

Пӧрмостэм дурбасьтӥсь

Буш кылиз ю бусы,
Юзырес-мӧзмылэс.
Вылтыраз кынмыса
Пежырскем пигонэз.

Шунтыны шуыса
Ӟыгыртэм сое тэль,
Нош ачиз но кынмем,
Шунытэз тырмымтэ.

Пӧрмостэм дурбасьтӥсь –
Юзмылэс сӥзьыл тэль.
Ваозьдаськем со ачиз –
Ӵыжектэм-гордэктэм

Школае мынэ Вани

Школае мынэ Вани,
Ванимы бадӟым ини.
Сумкаез но тани вань,
Йыг-йыг вамышъя Иван.

Ӧчкарем кадь – волегӟиз,
Ымдурзэ уллань ошиз.
Синвузэ кисьтэ Вани:
– Школае уг мыны ни-и-и…

Атаез нош буйгатӥз:
– Я бен мисьтӥськы етӥз.
Эшъёсыд утчалозы,
Бӧрдэмдэ валалозы.
…Школае мынэ Вани,
Ванимы бадӟым ини…

Лымы шортлэсь дэра

Туж уно мамык выллем
Бусыын лымы кылле.
Малы так кылле ай со? –
Мамыклэсь ведь шорт черсо.

Кин кутскоз та уж борды?
– Мон! – вазиз Тулыс шулдыр.
Шундылэн сиосыныз
Со черсэ жингрес сӥньыс.

Сӥньысэз жильыр! вазе,
Ӧръяське, азьлань бызе.
тӥяз нош со пыре
Паськыт куиськон ӧре.

Тӧдьы мамык кыдыра,
Нош пӧрме пурысь дэра.

Выль ӵукналы оскыса

Яркыт тылын
Гомӟиз вордскись нунал.
Ӟырдыт ӝуаз,
Шунтӥз со котькинэ.
Нош югытэз
Пумен бездӥз ӝыт пал –
Эгыр выллем
Пиштэ на горд гинэ.
Берат луиз
Кысэм эгыр кадь сьӧд.
Юзмыт уе
Выиз котыр улос.
Адямиос адӟо ини
Уйвӧт,
Но весь оско:
Вылез ӵукна вуоз!

Малы бӧрдӥз лымы мунё

Читайте также:  Знают ли в польше русский язык

Шундыед, эсьма, мыня ук –
Ерпечка выллем шудэ.
Азбарысь лымы мунё нош
Малы ке тёп-тёп бӧрдэ.

Каньсырам, чылкак жуммем со,
Ошиськем кешыр нырыз.
ӧня ке нунал сылӥз но –
Шуназ-быриз мугорыз.

Бервылаз номыр ӧз кыльы,
Лошъяське кешыр гинэ…
Учкисько но –
Иньбамын ни Мунёмы уя туннэ!

Оштолэзь

Лек толэд ай кужмо на зэмзэ –
Ӟар поттэ ӟузыри пиньёссэ.
Малпанэз но ӧвӧл на солэн
улыслы сётскыны каньылэн.

Ай чигтоз на ошлэсь со сюрзэ,
Инбамысь тӧдьы шорт но черсэ.
Шур вылын но ай юн йӧ дурет,
Бусыын валемын зӧк шобрет…

Но мерске, мытылэ ни тулыс.
Исаса жумдыре лек толэз.
Бичатӥсь сиеныз шундылэн
Толлэсь йӧ пиньёссэ чигтылэ.

Малы мон ӧй кынмы?

Урамын шудо вань эшъёсы.
Кытын пальтое, сапегъёсы?
Сьӧд воротнико лыз пальтоме
Дӥсяса потӥ мон ураме.

Бызьылӥ, шудӥ эшъёсыным.
Куазь шуныт потӥз мыным –
Ма, воротнике вылэ вылез
Воротник кылдэм – тӧдь-тӧдьыез!

Гурезьын луэм учыр

Куасъёсме кутчай но – гурезе!
Мон бӧрсьы Ондӥ пудэн бызе.
Куас солы ӧвӧл на басьтӥллям,
Нош вужзэ Ондӥ чигтӥз валлян.

Эх, нискыласько ук, эсьмаса!
Нош Ондӥ сылэ вожъяськыса.
Валасько мон мылкыдзэ солэсь –
Со куастэк ук. Ма солы гурезь…

Ӝогак пертчылӥ мон куасъёсме:
– Онд тон но нискыла ни, ме!
Нош эше гурезь уллань ширтӥз,
Питыраз но – куасъёсме чигтӥз.

Ма карод на – бертӥськом доре…
Малы ке но чик уг пот пырем…
– Я, тырмоз, – буйгатӥсько асме, –
Мон ачим тӥяй ук куасъёсме!

Кыл вӧзы кыл

Эшъёсын ми трос кузя
Васькиськом ульча кузя.
Вуимы Коли пала,
Со нош картошка пала.

Шур вамен лэсьтӥм выль выж,
Мын ни, сопал яре выж!

Я, Пети, тэк эн пукы,
Адӟиськод, выиз пукы!

Пегӟиз кузь гоно пуны –
Йырсиме, пе, эн пуны.

Потыса ыбес пыртӥ,
Бакчае мон ву пыртӥ.

Нинамы тырше на весь
Палэзьлэсь сузье со весь.

Ноль, одӥг, кык, куинь, ньыль, вить
– Мон пото ини, уг вить!

Шунды сайка серекъяса

Шунды сайка серекъяса,
Шурын миське со ымнырзэ,
Бус ӵушконэн ӵушиськыса,
Ӵем тэль борды сына йырзэ.

Лумбыт ӵоже со туж уно
Пальышаса пиштэ-ужа.
Ӝыт выдыкуз, жаде ке но,
Тусаз луэ серем нюжа.

Учкыса быдтӥ

Мон сайкай –
Усьтӥ синме,
Сайкамме
Шӧдӥз песяй.
Со шуэ:
– Арня туннэ,
Вазь эн султы,
Изь на ай.

Шуисько:
– Арня ке но,
Чик уг пот ни
Иземе –
Учкыса быдтӥ ни
Мон
Ваньзэ-ваньзэ
Вӧтъёсме!

Бадӟым ӵукна

Сыӵе бадӟым,
Сыӵе эркын –
Ӵукна!
Нокызьы но
Уг тэр со
Укное.
Сое быдэсаксэ
Адӟон понна,
Ӝогак ни
Потӥсько мон
Ульчае.
Сэзесь киосыныз
Монэ ӵукна,
Шумпотыса кадь,
Ӝик-ӝик
Ӟыгыръя.
Кырын омыр
Пезь-пезь
Юзмыт ке но,
Быдэс гадьпуш
Шуна
Таӵе дыръя!

Уйвӧтысь трамвай

Вот вӧтай ке мон, вӧтай –
Гуртамы вуэм трамвай!
Со монэн ӟечбуръяськиз,
Туж ӝожмыт
шорам учкиз.

Акыльтӥ, пе, городын –
Шоканы ик шуг отын.
Ӝужыт из юртъёс пӧлын
Пытсаськиз, шуэ, лулы.

Кошкимы ӵош
возь вылэ,
Эшъяським отын валэн,
Бызьылӥм, шудӥм артэ,
Бичамы сяська керттэт.

Мон ӵукна шуак сайкай
Ӧвӧл нокыӵе трамвай.
Ӧй но вал со.
Но уин
Пумисько мон нош соин!

Шундыё шыд

Шыд пӧзьтӥз мыным анай,
Нош мынам уг пот сием.
Ӧжытак пуко на ай,
Мон учко ай укное.

Пилемъёс инмын – тыраз,
Нош огез валлы укша.
Со ӧте монэ дораз:
– Ӵошен ворттылом ке шат?

Пуксьыса со вал вылэ,
Ӝог вуи мон инбаме,
Сиосыз юг шундылэн
Мальдыто ни синъёсме.

Вазиське шунды лякыт,
Куараез солэн ненег:
– Шыд ӝутӥ ни мон тыныд,
Сӥялоз, эн пукы тэк!

Толсур уй

Сьӧд инметӥ
Калго кезьыт тӧлъёс –
Инсьӧр дунне
Быдэс ни йӧӟектэм.
Дырекъяло,
Кынмо кизилиос,
Кудӥз-огез
Усё чиптэм-чаптэм.

Быдэс уез
Зыгыр куалекъяса,
Соос ортчытозы ни
Табере.
Юг толэзез
Шуныт, дыр, кожаса,
Юнме ӝиптӥськозы
Со котыре.

Вуоз ӵукна –
Шунды но ӝужалоз.
Туж пӧсь ӧвӧл ке но ни
Тол шунды,
Кизилиос понна
Пӧсез тырмоз –
Шунтоз но сылмытоз со
Ваньзэсты!

Уллане но выллане

Ыбиськем кадь ширтӥмы
Куасъёсын ми уллане.
Пытьымы нош, пытьымы –
Пукыӵ ньӧл кадь ик шонер!

Нош выллань тубыкумы,
Со ини шонер ӧй вал.
Туж каллен мы-нӥсь-ко-мы –
Куасъёсмы кошко шер-вай.

Пыжем пилемъёс

Митя шуэ:
– Кезьыт дыръя
Пилемъёсыз
Пыжо гурын.
Ма, тӥни ук
Котькуд муръё
Инме лэзе
Бугыр нап ӵын.
… Ӧй вала мон
Нырысь-валысь,
Учки шораз
Паймем выллем.
Нош со:
– Нап ӵын потэ гурысь,
Инме тубе –
Луэ пилем!

Ӟырт кезьытэн

Кыре ик потыны, ява,
Уд дӥсьты –
Вань улосэз
Дурем ни ӟырт кезьыт.
Тӥни корка но,
Зол кынмемысьтыз, дыр,
Йыраз изьям
Бадӟым тӧдьы изьы.

Куасъёссы сётскиллям

Толалтэ мон
Нуналлы быдэ
Поталляй куасэн
Паськыт лудэ.
Табере тани
Кӧня нунал
Куасъёсы
Сыло ини чал-чал.

Урдэмын соос
Корказь бере.
Ма карод на –
Лымыед быре.
Тулыслы сётӥськыса
Выллем,
Киоссэс
Куасъёс ни
Урдӥллям.

Лызэн ӵуж сураськыса

Тулыс пал
Инбам луиз
Лыз-лыз.
Яркыт-ӵуж шунды
Пиштэ дол-дол.
Нош лызэн
Ӵужзэ буёлъёсыз
Сураса
Пӧрме, пе,
Вож буёл.
Вот соин, дыр,
Сьӧд-пурысь
Дунне
Вож дӥсьсэ
Мерта ини
Туннэ.

Малы лымы луэм пурысь

Тулыс лудын
Лымы луэм
Пурысь.
Дэри пыдын
Сое
Шат лёгаллям?
Тӧдь-тӧдь вал со.
Али нош малы –
Кырсь?
Жаль зор сое
Миськиз вал ук
Валлян?!

Ужпи-зор

Кытысь ке,
Ужпи музэн,
Ворттыса кадь
Вуиз зор.
Кисьтыса
Кельтӥз вузэ,
Ӝог вуиз –
Кошкиз но зол.

Со дыртӥз
Мукет гуртэ,
Тэль сьӧртӥ
Ини мынэ.
Тэль вадьсын нош
Югыртэ
Чибор
Букоез гинэ.

Ӧжыт кӧсгес

Куазь жаль-жаль зоре ке но,
Пукеме коркан уг пот.
Потоно ай, учконо,
Кыӵе-мар ни со – зор-кот…

Чум-чум пукись зор вуэз
Эскеро ай, куд мурда,
Сапегелэн кунчиез
Со пушкы ышоз меда?

Дэриез но лёгаса
Утчано пичи ке но,
Чур вуэз уйылыса,
Ӧжытак бызьылоно.

Эскери, тодӥ, валай –
Зор вылэм зэмзэ ик кот.
Нош пырем берам анай
Мон шоры учке урод:

– Нош ик-а колад вуэз?
Суч-суч кот, дыр, пыдъёсыд!
Шуисько:
– Зэмзэ, котгес
Ӧжытак сапегъёсы.
Но, марым, ӧжыт кӧсгес
Штание, носкиосы…

Курыт бам

Книжкаез шып учкыса
Пуке пичи Лариса.
Книгаяз солэн туж трос
Турлы-турлы суредъёс.

Улмоос ӵыж-ӵыжытэсь,
Сьӧд сутэр, льӧль-горд эмезь…
Нош таиз жалем кешыр –
Пинь улын вазе куажыр…

Книжкаысь огзэ бамез
Лариса пытсаз ӝоггес.
Мон юай:
– Малы-о тон.
– Фу! Отын курыт сугон!

Буд, ӵушъялэ!

Ӵушъялэз мон учкисько –
Ӵушъялэз мон жалясько:
Уд но маялля сое,
Уд но веша тон сое…

Бордаз йӧтскытэк гинэ
Лӥятод:
– Муспотонэ,
Мон тыныд валес валё,
Тэркыяд поно лёлё.
Си но буд, вень комоке,
Нош гужем лэзё сике!

Пукись вуос но зор

Толон гинэ
Зориз золос,
Туннэ но
Кыдыра.
Кырсёмемын
Пукись вуос,
Ымныръёссы –
Шадра.

Инмысь виясь
Чылкыт зор ву
Гылтэ
Ымныръёссэс.
Но тусбуйзы
Чылкыт уг лу –
Луэ эшшо кырсьгес.

Жугиським – эшъяським

Обидиз Петя
Монэ толон.
Нош валлян
Ассэ жуги вал мон.
Вот соин ик
Туннэ кыкнамы
Туж матысь эшъёс
Ми луимы!

Зоро нуналэ

Туннэ тани
Выльысь жаль-жаль зориз,
Сучырмемын ини
Будэс улос.
Сюрес вылын
Сачыр вазе дэри,
Ортчылыку отӥ
Машинаос.

Пазьгиськылэ дэри
Питран улысь,
Ӧд лу ке сак –
Бырод паньсаськыса.
Дӥсед луоз
Сучыр-сучыр но кырсь –
Кытын на, пе,
Чаляк гинэ кӧсан!

Анай нош:
Тышкаське ни со понна:
– Ма, кызьы ветлӥськод тон,
Албасты!
Вуэн тырмытэмын ини
Ванна,
Миськон понна
Ваньзэ кырсь дӥсьёсты.

Понназ ялан
Пыкыласа монэ,
Анай кырсь дӥськутме
Вуэ месэ.
Ачиз нош,
Валантэм улсын гинэ,
Шукыяськись
Майтал вуэ понэ
Аслэсьтыззэ но
Дэриӟем дӥсьсэ.

Лифт

Туж усто арбери ук со –
Лифт:
Васькытэ, тубытэ…
Со пушкы пырытэк ке кылид,
Лыдъялод тубатэз.

Школаысь ке нош мон вуисько,
Дугдытэк лифт ужа:
Тубисько-васькисько-тубисько
Кыкетӥ этажам.

Инбамлы матэгес

Жадемме
Атай валаз –
Лӧб ӝутӥз
Пельпум вылаз.
Табере вот
Инбамез
Мон учко
Матысенгес!

Ваньдылы люкыло!

– Я, эн ӝегатэ монэ
Дыртӥсько магазинэ!
Шат уд тодске на, оло, –
НОТКЕРЕС, пе, вузало.
Нош аслам потэ серем,
Ватскисько корка бере.
Учкисько, макем шаплы
Весь ваньзы бызё вузлы.
Но тани вуо берен,
Ымнырзы нош – кунэрес.
Урдскизы мыным пумит:
– Со вуздэ ӧм шедьтэ ми!
Мон нош:
– Ваньдылы сое
Люкыло ай пичиен,
Со понна уг кур коньдон:
НОТКЕРЕС – со
СЕРЕКТОН!

Кӧмтэм книга

Ай толон
Колимылэн
Книжкаез
Ӵыж-выль вылэм.
Нош туннэ

Кӧмтэм ни со –
Кылем
Одӥг пушкесо.

Кулэ ӧвӧл автомат

Вань мынам автоматэ –
Гумытӥз тылыз потэ!
Куараез вазе тачыр,
Кышкатэ ваньзэ котыр.

Кутыса автоматме
Потӥсько ке ураме,
Шуэрско вань эшъёсы,
Ӝог кошко доръёсазы.

Урамын оген – вӧл-вӧл!
Но, марым,
Шулдыр ӧвӧл…
Эх!
Куштӥ автоматме!
Чале –
Ӵош ик шудоме!

Суред

Суредасько мон городэз –
Ӝужыт юртъёс, машинаос…
Тани татын вань заводэз,
Отын андан пӧзьто, пе, трос.

Муръёысьтыз со заводлэн
Нап ӵын ӝутске бугыр-бугыр.
Мон тодӥсько: андан кулэ.
Нош кырсёме ӵынэн
Омыр!

Азьлантӥсько мон суредме –
Пӧрмиз тани бадӟым завод.
Ӝужыт муръё учке инме,
Но нап ӵыныз
Отысь
Уг пот!

Кыдёкысь эше сярысь

Космосын но, пе, улон вань –
Паймымон ке паймымон!
Пал синмын коть адӟоно вал,
Лобысал кадь отчы мон.

Мурт планетаысь кинэ ке
Шуак ке пумитасал,
Оскисько: соин одно ик
Пыраклы эшъяськысал!

Эшелы мон жалятэк ик
Сётысал ни котьмаме:
Яблокме но, великме но,
Кучайме, конфетъёсме…

Пунэмзэ эше мыным но
Кузьмасал шудонъёссэ…
Котьма шу но, одно, одно
Лобало мон космосэ!

Эшъёсы мынам татын
Ваньзы ик бен умоесь.
Мурт планетаысь эше нош
Кырмышъя, ӧте кадь весь.

Мыным кышкыт ӧвӧл

Укыр бадӟым бӧчы сямен
Мыйыкъёссэ выретыса
Потэ троллейбус ураме,
Дыртэ ни со ас удысаз.

Бызэтыса бызе шӧртчи,
Мыйыкъёсыз тачыр каро…
Мыным кышкыт ӧвӧл со чик –
Дугдӥз ке,
Мон пушказ пыро!

Майбыр нумыр

Улмолэн пушказ –
Нумыр.
Улэмез солэн
Майбыр:
Коркаез но –
Вож улмо,
Сиёнэз но – вож улмо.

Бусы возьма

Кысык вакыт со – аран дыр,
Ю бусыын соку шулдыр:
Машинаос но комбайнъёс
Кисьто татын турлы гуръёс.

Нош тракторез Кузьмагайлэн
Малы меда чус-чус сылэ?
Трактористэз шонтӥз кизэ:
– Солы висён йӧтэм – кызэ…

Со корт валзэ люктаз, вӧяз,
Мылысь-кыдысь сое эмъяз.
Вуттӥз. Шуиз Кузьма агай:
– Бурмид-а бен, учком ни ай.

Трактор нырысь вазиз вуӵыр,
Ӵоксузьыса поттӥз сьӧд ӵын,
Кизьнӥз, кызйиз на кӧня ке –
Корт ньылонзэ сузяз, шӧдске.

Нош собере огсыр гурен
Ширтӥз со нош удыс дуре.
Кизэ шоназ милем Кузьма:
– Я ӟеч! Монэ бусы возьма!

Куноын

Куноын бен
Усто ик улон!
Кузёос шуо:
– Лу дорад кадь!
Сиёнъёс но
Кылдэ ик ньылод,
Алӥсез но ӧвӧл –
Котьма кар…

Туж умой куноын…
Но, марым,
Бертыны мон
Али ик ни дась.
Кемалась-а кошки вал
Дорысь?
Бен, толон…
Ой, кыӵе кемалась!

Бертон понна

Сӥзьыл – кошко,
Тулыс – берто
Бурдо юлтошъёсмы.
Дор палазы соос дырто,
Сьӧрлон уго –
Мӧзмыт.

Ортчо секыт, кузь сюресэз,
Но доразы вуо!
Кисьто шулдыр кырӟанъёссэс,
Ныло-пиё луо.

Сӥзьыл лыктэ ке,
Бурдоос
Кошко асьме дорысь.
Но малы бен кошко соос?
Бертон понна
Выльысь!

Кызьы пегӟиз гужем

Кошкись гужемез
Кутыны турттыса кадь,
Сетьёс-вотэсъёс
Ошылӥз вал инкуазь.
Гужем нош ӧз ӝега –
Кошкиз пегӟыса со:
Сетьын вал уго
Укыр уно пась.

Мады дасямтэ вазьгес?

Дасяське инкуазь толлы –
Кӧлэмез ини потэ.
Ӟеч тушак кулэ солы,
Мед изёз со небытэн.

Нош валес лэсьтон вылысь
Кулэ буй-буй мамык гон.
Вот соин ик инбамысь
Со мамык куртке уго.

Люкаське мамык, куашка…
Но пазя ни сое тӧл.
Ведь пырак мамык пушкын
Нокин но
Ноку уг кӧл.

Табере ни кемалась
Вуысал небыт валес,
Луысал миндэр но дась.
Вунэтэм ке шат инкуазь
Дасяны пуйы вазьгес?

Унябей сяськаос

Унябей сяськаос возь вылын
Пиштӥзы вал яркыт ӵуж тылын.
Кожалод, со озьы ас туссэ
Ӵуж шунды пазьгылэм улосэ.

Лыктӥсько возь вылэ нош ик мон.
Но татын ни ваньмыз – паймымон!
Унябей сяськаос луиллям
Тӧдь-тӧдьы йыроезь но бабля.

Йырсизы нош тӧлъя пурӟылэ –
Ярдуре, писпуэ, куак вылэ…
Верало сяськаос серемпыр:
– Ӵуказе ми кылём гольык йыр!

Зонт

Лумбыт ӵоже ини зонт
Шкаф вылын кылле.
Мылкыдыз солэн урод –
Висисьлэн выллем.

Ай толон гтинэ зонт вал
Шулдыр мылкыдо,
Зор ултӥ быдэс нунал
Со калгиз шудо.

Нош туннэ инбам чылкыт,
Юг пиштэ шунды.
Вот соин зонтлэн мылкыд
Чик ӧвӧл шулдыр.

Лумбыт лулскылэ ни зонт:
– Куазь туннэ макем урод!

Апельсин но лимон

Вал одӥг апельсинмы…
Кызьы

Одӥг пичи пилетэн
Нылъёслы тырмиз быдэн.
Пиослы ӧз кыль ни чик –
Апельсин уго пичи.

Со понна вал трос лимон –
Вань пиослы тырмымон.

Но пиос ӝоӝомизы –
Лимонэз оскалтытэк ик,
Чырс луиз ымныр туссы.

Шулдыр чай

Тыл вылын тапыр гинэ
Чайникмы эктэ.
Ваньместы со огинэ
Ӝӧк сьӧры чортэ.

Кырӟаса но шуласа,
Со ӧте ваньмес:
«Шулдыр чайме юыса,
Мылкыдды но, эсьмаса,
Луоз шулдыргес!»

Бакчаям будэ шунды

Бакчаямы будэ шунды.
Кытысь потэм со, шуоды?

Пичи гинэ сьӧд кидысысь!

Со туж пичи на вал нырысь,
Но весь будӥз, будӥз пумен…

Огнуналэ огкутскемен,
Шулдыр серектыса выллем,
Ас ымнырзэ усьтӥз милем.

Мыня шораз инмысь шунды –
Аслаз пиез кожа, вылды!

Ерпечка тӧл

Серекъяса, погыльскыса туж сэзь,
Урам шорын ыр тӧл шудэ-пелля.
Ураметӥ мынӥсь-ветлӥсьёслэсь
Шляпаоссэс шӧртчи со ишкалля.

Уё адямиос шляпаоссэс,
Тӧллы вожзэс ик поттыса нырысь.
Тышкаськыса асьсэ понна тӧлэз,
Лек вазисько со ерпечка сярысь.

Бӧрысь нош валатско ини соос –
Шудэ гинэ угось соосын тӧл.
Ымныразы ни – пальпотон сиос,
Вожпотонзы пичи но ни ӧвӧл.

Пумен ни соослэн но мылкыдзы,
Тӧллэн выллем, луэ капчи но сэзь.
Шляпаоссэс гинэ киынызы
Куто, сэзь тӧл выльысь ишкалтэмлэсь.

Пилемпи

Бабля тӧдь пилемпи уя инмын,
Пичи на со, али ай вордскемын.

Ӧте ни анаез сое дораз,
Сётэ тэркы – отын зор ву тыраз.
Шуэ со пиезлы:
– Ме, си трослэсь тросгем –
Ӝоггес луод зоро бадӟым пилем!

Ворттӥсько мон вал вылын туж сэзь,
Ворекъя мече шунды шорын –
Вань тушмонъёсты пазьго резь-пезь,
Шуозы герой монэ дорын.

Кышканэн йырин ӧвӧл мыным,
Лобисько азьлань: «Ура! Ура-а!»
Кӧкыын кыллись пичи выны
Дась кадь монэн ӵош ожмаськыны,
Со но кесяське: «Уа! Уа-а!»

Сӥзьыл тэльын

Вож тэле сӥзьыл вуиз чупрес,
Со вошъя писпуослэсь дӥсьсэс:
Ӵуж луиз кызьпу, нош горд – бадяр,
Нокытысь уг адскы ни вож куар.
Палэзьпу, льӧмпу, пипу, беризь –
Ваньзы дӥсязы ни ӵуж-горд дӥсь…

Но ялан ай вож – пужым но кыз,
Ньылпулэн но вож ик на тусыз.
Сӥзьылэд кышказ, дыр, соослэсь –
Лысъёссы угось бышкаськисесь!

Зуродъёс

Возь вылын туннэ шулдыр –
Нош ик вуиз турнан дыр!
Котыр-котыр улосын
Вӧлскемын ни турын зын.

Уть ай тон, оп! шуытозь
Чылкак пилеш кылиз возь.
Со вылын ини туж трос
Сыло турын зуродъёс.
Озьы вӧлскем, кожалод,
Возь вылэ пудо-живот.

Сылозы соос кир-пазь,
Вуытозь татчы тол куазь.

Нош вуиз ке толалтэ,
Пудоос кадь, зуродъёс но
Бертозы ини гидэ!

Йыромем тӧл

Тӧл эркын калгиз быдэс нунал –
Луд вылын шудӥз, гуртын но вал…
Нош бер ӝыт вуиз но нюлэскы –
Йыромиз трос писпуос пушкы.
Туж ке но утчаз потон сюрес,
Пеймытэн ӧз лу ни шедьтэмез…

Ма карод, выдӥз но кыз улэ,
Чалмытскиз но ныс-ныс ни кӧлэ.
Нош ӵукна, югыт луэм бере,
Со шедьтоз тэльысь потон сюрес.
Лумбыт нош ик тӧл калгоз эркын,
Но уз ни, дыр, пыра нюлэскы.

Скалъёс

Ӝыт пал скалъёс берто дэмен гуртэ,
Котькудӥз ик аслаз дораз дыртэ.
Возьёс вылын угось быдэс нунал
Уно нап йӧл люказ котькудӥз скал.

Со йӧл люкаськемын вераосын,
Огшап ортчоз – луоз ведраосын.

Котьмалэн-аслаз дырыз

Улосэ сӥзьыл лыктӥз но –
Кошкемез уг поты ни.
Ӝегатон вылысь толэз, со
Дун понна дася зарни.

Писпуосысь куаръёсты но
Зарнилы ни пӧрмытӥз…

Но толлэн ӝегам ӧз поты,
Улосэ вуиз етӥз.

Сӥзьыллэсь зарниоссэ со
Дунъяны ӧз вала чик,
Ишкалляз но ваньзэ-ваньзэ
Сэрпалляз музэ шӧртчи.

Нош ӝоген вань улосэ со
Пазьгылӥз тӧдьы чигвесь.
Тулысэз ӝегатыны шат
Дасялляз озьы азвесь?

Но со азвесез уз дунъя –
Ас дыраз лыктоз тулыс…

Инкуазьын уго котьку но
Котьмалэн – аслаз дырыз.

Пилем но шунды

Шундылы пилем вазем:
– Ойдо шудом чимасен!
Тон ватскод – мон утчало,
Ӝог гинэ шедьто, оло.

Одӥг, кык… Икча-кукча…
Шундыез пилем утча.

Но уг шедьты, котьма кар!
Со бӧрдэ ини зар-зар.
Синвуэз ӵужыр ваське:
– Мон уг шуды ни, иське…

Ватскемысь потэм шунды,
Пилемлы вазе шулдыр:
– Шедьтэмед ӧз лу бере,
Тон ни пегӟы табере!

Писпуос но бурдоос

Вуиз ини сӥзьыл.
Ӝоген толмоз,
Лыктоз кезьыт но лымыё вакыт.
Лымшор пала кошко ни бурдоос,
Отчы, кытын котьку луэ шуныт.

гурен лобо соос каллен,
Люкиськыса вордскем палъёссылэсь.
Ӵуж писпуос нош, ӝожомем выллем
Синвуоссэс ӵушылтыло ни весь.

Сыло соос, вайзэс шоналляса,
Бурдоослы капчи сюрес сӥзё.
Куаръёс нош, вайёсысь ишкалскыса,
Со бурдоос сьӧры улляськыса,
Лобо-лобо но… муз вылэ усё.

Зурод пушкын

Турназы возез шаплы
Шулдыр гужем нуналэ.
Табере со возь вылын
Трос гинэ зурод сылэ.

Котькудаз со зуродын,
Консерва пушкын сямен,
Тол вуытозь ватэмын
Зынъёсыз пӧсь гужемлэн.

Чибор ӵушконэн

Жаль-жаль зориз ог час ёрос,
Сучыр коттӥз вань улосэз.
Котькытын ни – ву пырыос,
Ӧз кыль ни номыр но кӧсэз.

Потӥз шунды пилем сьӧрысь,
Чибор ӵушкон кутӥз кияз –
Ваньзэ, мар суч-суч кот но кырсь,
Ӵущылыны ини ӧдъяз.

Кытын кӧла шунды

Ӝытазе жадем тусо шунды
Коркамы пыриз укноетӥ.
Кӧлэмез солэн потэм, вылды, –
Ватӥськиз пеймыт сергы етӥз.

Уй ӵоже ӧз возьматъяськы чик –
Бадӟым шкаф сьӧрын кӧлӥз ныс-ныс.
Вазь ӵукна сайказ со туж капчи,
Бичатӥз монэ сиосыныз.

Кӧня ке шудӥз корка пушкын,
Но кема ӧз ӝегатскы юнме –
Выж вылтӥ погылськыса эркын
Укнотӥ тэтчиз пырак инме.

Лыз инмын ни со пиштэ яркыт,
Котькинлы ик серектэ шулдыр.
Нош вуиз ке улосэ бер ӝыт,
Ми дорын со нош кӧлоз ни, дыр.

Кызьы мон тулыслы юрттӥ

Тол ӵоже азбарамы
Люкаськиз туж трос лымы,
Но тулыс матэктэмъя,
Шунаны ни со ӧдъя.

Копано, дыр, чалякгес
Со бадӟым лымы люкез –
Мед вазьгес вуоз тулыс
Жильыртӥсь вуосыныз.

Мон копай лулысь-сюлмысь
Лымыез со букосысь.
Нош пыдсаз вуэм берам
Кылӥськиз ненег куара.

Валаса но ай ӧй ву –
Мон азе потӥз тудву,
Туж пичи гинэ на со,
Но ини тулыс тусо.

Шулдырак мыным вазе:
– Ӟеч-а, бур-а, юрттӥсе!

Ӵӧжпиос но шапыкъёс

Ву вылын ӵӧжпиос уяло,
Трос соос – ог кызё, дыр, оло.
Нош инмысь зыл-ӵошкыт ву вылэ
Туж уно зор шапык усьылэ.

Кокчало соосты ӵӧжпиос –
Кожало, кӧттырлы яралоз!
Но огзэ но усем шапыкез
Огезлэн но уг лу кутэмез.

Шат выё шапыкъёс ву пыдсы? –
Зымыса но ини утчазы.
Шедьтэмзы одӥгзэ но ӧйлась,
Бӧрдыны но ини соос дась.

Я кытчы, кин меда валэктоз,
Ышыло ву вылысь шапыкъёс?!

Коли но бубыли

Возь вылэ лыктӥз Коли.
Адӟе – лоба бубыли,
Бурдъёсыныз лопыръя,
Сяськаос вадьсын поръя.

Малпаське вал ни пияш
Кутыны сое кияз.
Уйылӥз сьӧраз кема –
Тыршемез луиз токма!

Жадьыса пуксиз Коли.
Нош кытын-о бубыли?
Сяськаос вылын пуке:
«Шедьты на монэ, эке!»

Тӧллэн дӥсьёсыз

Пӧсь гужем улостӥ
Ӵукысен бер ӝытозь
Тӧл калге но лоба
Эркынак но вӧл-вӧл.
Шыр гольык со ветлэ –
Нокинлы но угось
Пӧсь-ӝокыт нуналэ
Дӥсь кулэ но ӧвӧл.

Но тани матэктӥз
Шаере сӥзьыл куазь,
Кезьытъёс но зоръёс
Вайыса ас сьӧраз.
Ыр тӧллы но соку
Малпатэк ни ӧйлась:
Мар меда дӥсяно
Та кынмись вылтыраз?

Но кема ик ӧз ул,
Малпанэ выйыса,
Марлэсь дӥсь кароно –
Ӝог гинэ со валаз:
Писпуысь куаръёсыз,
Кырымен ишкаса,
Дӥсялляз-бырттылӥз
Дыртыса ас вылаз.

Быдэссэ сӥзьылэз
Со ветлоз ни озьы –
Ишкаллям куаръёслэсь
Сурыкмем ӵуж дӥсен.
Нош вуиз ке тол куазь,
Со дӥськут но изьы
Йӧндыроз лымылэсь,
Чильпаса азвесен.

Зорлэсь пегӟизы

Ву вылысь вож куар вылын
Бакаос пуксьылэмын.
Шып гинэ соос пуко но
Шунтӥсько шунды шорын.

Но тани шӧдтэк шорысь
Инбам луиз сьӧд-пурысь.
Дас минут но, дыр, ӧз ортчы –
Кисьтӥськиз жаль зор отысь.

Бакаос соку ваньзы
Ву пушкы тэтчаллязы –
Зор улын, вылды, ӧз поты
Сучыр-сучыр котмемзы.

Кык ӟольгыри но одӥг нумыр

Бакчаысь убо вылын валлян
Кык ӟольгыриос пумиськиллям.
Одӥгез шедьтэм сюйысь нумыр,
Нош мукетызлэн ӧвӧл номыр.

Эшезлэсь куре ни ӟольгыри:
– Ойдо нумырдэ каром шори! –
Соизлэн нош сётэмез уг пот:
Ӝыны нумырен уз тыр, пе, кӧт.

Куспазы потто ни соос ӵаш,
Кесясько но жугисько тыш-таш!

Нумырзы нош со куспын лушкем
Гызмыляк гинэ пегӟем-кошкем!

Тулыс сярысь вӧт

Шур сьӧрын – арама,
Нош вӧзаз – паськыт возь.
Туж кема на, кема
Вож тулыс вуытозь.

Возь кӧлэ на ныс-ныс,
Ку ай со сайкалоз!
Уйвӧтаз нош – тулыс,
Уйвӧтаз – сяськаос.

Турнан дыр сярысь со
Уйбыртэ тол шорын:
Ж-жик! вазе кадь кусо,
Лач выдэ вож турын…

Возь кӧлэ на, кӧлэ
Тӧдь-тӧдьы ын улын.
Сюлэмаз нош

солэн
Шаугетэ ни тулыс.

Тулыс пужыос

Тулыс! Тулыс! Тулыс вуэм!
Быдэс дунне шулдыр.
Пачыл пукись тулыс вуэ
Зымем питрес шунды.

Со тудвуэ пыро ай мон,
Шунды доры – эшлы!

Но пилиськиз со – вот паймон! –
Векчи пырыослы.

Со пырыос пазьгиськизы,
Ӵуж-ӵуж ворекъяса.
Кӧняез ке лякиськизы
Мынам но бамъёсам!

Ӟечыран

Ӟечран – со ма гинэ:
Пул но кык гозы…
Нош пукси ке, со монэ
Ӝог ӝутоз чагыр инэ –
Пилемъёс вӧзы!

Лобисько, бурдо выллем, –
Эх тон, ӟечыран!
Нош инмын пичи пилем
Эшъёсыз сьӧрысь кылем,
Жальмаса шорам.

Лӧптэмын шунды зэмзэ –
Эктэ бергаса.
Со мыным, ӟеч эш музэн,
Пумитам мыче кизэ
Ӟечбуръяськыса!

Пилем тушак

Пилем –
Со тушак кадь небыт:
Выдӥд ке,
Уз пот султэмед,
Тон кӧл
Коть уйбыт но лумбыт,
Озьы но
Уз тыры уммед.

Буй-буй тӧдь пилем –
Йыр вадьсам,
Люкем со
Инэз ик шорию
Вылаз нош,
Зорен вӧтаса,
Изе на пичи гудыри.

Источник

Интересные факты из жизни